QR Premer-Mınıstri Asqar Mamın О́zbekstan Respýblıkasynyń kólik mınıstri Ilhom Mahkamovpen kezdesti, dep habarlaıdy Egemen.kz primeminister.kz-ke silteme jasap.
Taraptar tranzıttik-kólik salasyndaǵy yntymaqtastyqty damytý perspektıvalaryn, atap aıtqanda, júk tasymalyn ulǵaıtý, temirjol jáne avtomobıl kóligin damytý, birlesken iri ınfraqurylymdyq jobalardy iske asyrý máselelerin talqylady.
Qazaqstannyń О́zbekstanmen strategııalyq seriktestigi tranzıttik-kólik salasyn qosa alǵanda, barlyq baǵyttarda qarqyndy damyp keledi. Qazaqstan men О́zbekstan taraptary ózara saýda kólemin ulǵaıtý úshin kólik-logıstıka áleýetti arttyrý boıynsha sharalar qabyldap jatyr.
2021 jylǵy qańtar-mamyrda taýar aınalymy 46%-ǵa ósip, $1,5 mlrd qurady. QR-nyń О́R-ǵa eksporty 58,4%-ǵa ulǵaıdy.
Pandemııaǵa qaramastan, Qazaqstan men О́zbekstan arasynda júk tasymalynyń barlyq túrleri boıynsha kórsetkishterdiń artqany baıqalady.
Tek 2021 jyldyń I toqsanynda konteınerlik tasymaldar 2020 jyldyń sáıkes kezeńimen salystyrǵanda 57% ósimmen 233,9 myń JFE-ge deıin artyp keledi. Avtomobıl kóligimen júk tasymaldaý kólemi osy jyldyń 6 aıynda 18%-ǵa ósip, 1,3 mln tonnany qurady.
Taraptar bıylǵy jyldyń 29 shildesinen bastap aptasyna 2 ret jıilikpen «Aqtóbe – Nókis» baǵyty boıynsha jańa áýe qatynasyn ashýǵa kelisti. Qazirgi ýaqytta QR men О́R arasynda aptasyna 32 reıs oryndalady.
Kezdesý barysynda taraptar birlesken iri ınfraqurylymdyq jobalardy iske asyrý — «Darbaza – Maqtaaral» jańa temirjol jelisin, «Túrkistan – Shymkent – Tashkent» joǵary jyldamdyqty magıstralin salý jáne t. b. josparlardy talqylady.