Qazaqstannyń halyqqa qyzmet kórsetý ortalyqtarynda klıentterge qyzmet kórsetý ýaqyty qysqardy, dep habarlaıdy Egemen.kz IIM «Azamattarǵa arnalǵan úkimet» kompanııalar tobynyń baspasóz qyzmetine silteme jasap.
QR Bas sanıtarlyq dárigeriniń qaýlysy boıynsha Qazaqstannyń halyqqa qyzmet kórsetý ortalyqtary azamattardy aldyn ala brondaý arqyly ǵana qabyldaıdy. Jumys kestesi de qysqardy, front-ofıster tańǵy 9-dan keshki 6-ǵa deıin memlekettik qyzmet kórsetedi. Elimizdiń barlyq aımaqtarynda HQKO bes kúndik aptaǵa aýystyryldy, senbi men jeksenbii kúnderi jumys istemeıdi.
Shekteý sharalaryna baılanysty kúnine azamattardyń shekteýli sanyn ǵana qabyldaı alady. Osy turǵyda «Azamattarǵa arnalǵan úkimet» memlekettik korporasııasy front-ofısterde qyzmet kórsetý ýaqytyn 20 mınýttan 15 mınýtqa deıin qysqartý týraly sheshim qabyldady. Bul kúnine qyzmet alýshylar sanyn 25%-ǵa kóbeıtti. Endi bi qyzmetkerge bir saǵat ishinde 4 klıentke qyzmet kórsete aladyi. Eski brondaý júıesi boıynsha bir saǵatta tek úsh adamdy qabyldaý múmkin bolǵan.
«Jańa júıe engizilgennen keıin eski ýaqyt boıynsha kezekke tapsyrys bergen klıenttermen túsinispeýshilik oryn alyp jatyr. Biz buny aldyn-ala boljadyq jáne bul máseleler sol jerde-aq sheshiledi. Bizge biraz ýaqyt qajet, óıtkeni jańa júıe boıynsha brondaý prosesi júrip jatyr. Birneshe kún ishinde jumys qalypqa keledi, HQKO kóbirek adam qabyldaı alady», dedi «Azamattarǵa arnalǵan úkimet» memlekettik korporasııasynyń qoǵammen baılanys jónindegi basqarýshy dırektory Baıram Azızov.
Aıta keteıik, halyqqa qyzmet kórsetý ortalyǵyna kirý úshin «Ashyq» qosymshasy qoldanylady.