Elde konstıtýsııalyq reformany iske asyrý aıasynda áleýmettik memlekettiń jańa úlgisi qalyptasyp keledi. Bul baǵytta burynǵydaı járdem men kepildikke ǵana emes, azamattyń bilimine, kásibı mashyǵyna, eńbekke beıimdelýine basymdyq beriledi. Úkimet otyrysynda Premer-mınıstrdiń orynbasary, Mádenıet jáne aqparat mınıstri Aıda Balaeva Áleýmettik jáne Eńbek kodeksterine engiziletin ózgerister týraly baıandady, dep jazady Egemen.kz.
Jańa Konstıtýsııa ár azamattyń eńbek etý quqyǵyn naqty bekitip, ony júzege asyrýǵa qajetti jaǵdaı jasaýdy memlekettiń mindeti retinde aıqyndap otyr. Osyǵan saı eńbek zańnamasy da zaman talabyna ıkemdelmek. Ásirese sıfrlyq ekonomıkanyń qarqyn alýyna baılanysty qashyqtan jumys isteý, platformalyq jumyspen qamtý sekildi jańa eńbek nysandary quqyqtyq turǵydan rettele túsedi.
Jańa Konstıtýsııa – eldiktiń tiregi, egemendiktiń tuǵyry
Áleýmettik saıasattaǵy taǵy bir mańyzdy baǵyt – múgedektigi bar azamattardy qoldaý tetikterin kúsheıtý. Bul rette olardy áleýmettik qorǵaý júıesin jetildirý, ońaltý sharalaryn keńeıtý, qoǵamdyq jáne eńbek ómirine tolyq aralastyrý máselesine erekshe nazar aýdarylyp otyr.
Aıda Balaevanyń aıtýynsha, jańa konstıtýsııalyq ustanym áleýmettik saıasattyń mazmunyn keńeıtedi. Endigi jerde azamattyń ál-aýqatyn arttyrý tek áleýmettik tólemdermen shektelmeı, adamı kapıtaldy damytý, bilim berý sapasyn kóterý, ǵylym men ınnovasııany ilgeriletý arqyly júzege aspaq.
Sarapshy: Jańa Konstıtýsııany qoldaý – qoǵamnyń jańǵyrýǵa daıyn ekenin kórsetedi
«Buǵan deıin negizgi nazar kóbine áleýmettik kepildikter júıesine aýdarylyp kelse, jańa Konstıtýsııa áldeqaıda keń tásildi bekitedi. Atap aıtqanda, azamattardyń ál-aýqatynyń ósýiniń negizgi faktorlary retinde adamı kapıtaldy damytýǵa, bilim berýge, ǵylym men ınnovasııalarǵa basymdyq beriledi. Sonymen birge biz áleýmettik saıasatty jańa strategııalyq mazmunmen tolyqtyrý úshin jumyspen qamtýdy damytýǵa, sapaly jumys oryndaryn ashýǵa, azamattardyń kásibı bilim alý men biliktiligin arttyrý múmkindikterin arttyrýǵa nazar aýdaramyz», dedi vıse-premer.
Osylaısha, jańa ózgerister áleýmettik saıasatty tek qoldaý quraly emes, eldiń uzaq merzimdi damýyna qyzmet etetin strategııalyq tetik deńgeıine kóterýdi kózdeıdi. Bul ustanym azamattyń eńbekke aralasýyna, bilimin jetildirýine jáne qoǵam ómirine belsendi qatysýyna jol ashpaq.
Prezıdent jańa Konstıtýsııany iske asyrý jóninde jumys keńesin ótkizdi