Atyraý qalasynyń turǵyndaryn qorshaǵan ortany búldiretin kólikterdiń kóbeıýi alańdatyp otyr. Polısııa qyzmetkerleri sondaı kólikti júrgizgen 16 júrgizýshini ákimshilik jaýapqa tartty, dep habarlaıdy Egemen.kz.
«Polısııa qyzmetkerleri ekologtarmen birge 28-29 shildede birlesken birlesken reıd júrgizdi. Reıd kezinde 20-dan astam kólik quralynan qorshaǵan ortaǵa bólinetin zııandy qaldyqtardyń normalarǵa sáıkestigi tekserildi. Nátıjesinde 16 kóliktiń qorshaǵan ortaǵa shamadan tys shyǵaryndy shyǵaratyny anyqtaldy. Bul kólikterdiń júrgizýshileri QR Ákimshilik quqyqbuzýshylyq týraly Kodeksiniń 334-babyna sáıkes (Shyǵaryndylarda lastaýshy zattardyń bolýy normatıvterden asyp ketetin avtomotokólikterdi jáne basqa da jyljymaly quraldardy paıdalaný) ákimshilik jaýapqa tartyldy», deıdi oblystyq polısııa departamentiniń bastyǵy Qamza Úmbetqalıev.