Qazaqstandyq tennısshi Elena Rybakına Tokıo Olımpıadasynyń qola júldesi úshin ótken matchta jeńilip qalǵannan keıin pikir bildirdi, dep jazady Egemen.kz.
«Kúrdeli match boldy. Kezdesý aldynda men ózimdi jaısyz sezindim. Kishkene syrqattanyp qalǵandaı kúıde boldym. Meni alǵa jetelegen jankúıerlerdiń qoldaýy boldy. Bir apta boıy otandastarymnyń úlken qoldaýyn sezindim. Tipti aldyńǵy oıynda jeńilip qalǵanyma qaramastan bul joly da kortqa jaqsy daıyndyqpen shyqtym. Barynsha tyrysyp baqtym... Sátsiz nátıjege qaramastan erekshe atmosferada, mol tájirıbe jınadym dep sanaımyn. Árıne, kórermendersiz oıyn ótkizý birtúrli kórinedi eken. Bári munymen bitken joq. Aldaǵy jarystarda jaqsy nátıje kórsetemin dep oılaımyn», deıdi tennısshi.
Aıta keteıik, Elena Rybakına kishi fınalda álemniń 6-shy raketkasy, ýkraınalyq Elına Svıtolınaǵa qarsy oınaǵan bolatyn.