Tokıo Olımpıadasynda kúres túrlerinen báseke bastaldy, dep habarlaıdy Egemen.kz Olympic.kz saıtyna silteme jasap.
76 keli salmaq dárejesinde áıelder arasynan Elmıra Syzdyqova bozkilemge shyqty. Alǵashqy aınalymda onyń qarsylasy qyrǵyzstandyq Aıperi Medetqyzy boldy. Ekeýara kezdesý 8:1 esebimen qyrǵyzstandyq Aıperi Medetqyzynyń enshisine sheshildi.
Qyrǵyzstandyq Aıperi Medetqyzy fınalǵa shyqqan jaǵdaıda Qazaqstan sportshysy Elmıra Syzdyqova jubanysh beldesýinde kúresýge múmkindik alady.
Aıta keterligi, jarystyń birinshi kúni kilemge grek-rım kúresiniń balýandary da beldesedi. Erler arasynda 60 kelide Meırambek Aınaǵulov shyǵady.