Túrkistan qalasyna kireberiste álemdegi ozyq tájirıbelerdi ushtastyrǵan eńseli meshit boı kóterip jatyr. Jobaǵa О́zbekstan Respýblıkasynyń Prezıdenti Shavkat Mırzııoev qoldaý kórsetýde, dep habarlaıdy Egemen.kz.
О́zbekstan memleketiniń Túrkistanǵa tartýy retinde salynyp jatqan meshittiń qurylysyn keler jyly aıaqtaý josparlanǵan.
Sáýleti erekshe Islam ortalyǵynyń ishki jáne syrtqy bezendirilýi shyǵys naqyshynda júrgizilýde. Jańa joba jan-jaqty zerdelenip, álem elderindegi ozyq tájirıbeler eskerilgen. Meshit irgesiniń berik bolýy úshin ózindik tehnologııa ázirlengen.
Islam ortalyǵynyń jalpy kólemi – 20 myń sharshy metr.
Aıta keteıik, búgin oblys ákimi О́mirzaq Shókeev Túrkistan qalasyndaǵy qurylys alańdaryn aralap, jaýapty basshylarǵa naqty tapsyrmalar júktedi.
Qazirgi tańda oblys ortalyǵynyń ákimshilik-iskerlik ortalyǵynda 5, 7, 9, 12 jáne 20 qabatty 60 turǵyn úı boı kóterdi. Sondaı-aq ákimshilik ǵımaraty bar 20 qabatty turǵyn úı qurylysy júrip jatyr.