Tokıo Olımpıadasynda kanoe men baıdarka esýden jarystar ótip jatyr. Búgin, kanoe (jeke) áıelder arasynda 200 m qashyqtyq oıynsha irikteý kezeńi ótti, dep habarlaıdy Egemen.kz.
Atalǵan sanat boıynsha el sapynan qazaqstandyq Margarıta Torlopova qatysty.
Irikteý kezeńinde tıisti qashyqtyqty 49, 721 ýaqytta baǵyndyrǵan qazaqstandyq sportshy shırek fınalǵa joldama aldy.
Aıta keterligi, toptaǵy birinshi jáne ekinshi oryn jartylaı fınalǵa shyǵýǵa múmkindik berse, sońǵy tórt oryn shırek fınalǵa joldama berdi. Otandasymyz Margarıta Torlopova óz tobynda jetinshi boldy.