Qostanaıda júrgizýshi kýáligine qoly jetpeı júrgenderge kómektesip, sol qyzmeti úshin qomaqty mólsherde para alyp keldi degen kúdikke ilikken oblystyq polısııa departamentiniń bólim bastyǵy ustaldy, dep habarlaıdy Egemen.kz.
Kúdikti qazir tergeý ızolıatorynda qamaýda otyr.
«Ol «Azamattarǵa arnalǵan úkimet» KEAQ qyzmetkerlerimen sybaılasyp, jol erejesi týraly emtıhandy áli tapsyrmaǵan adamdarǵa, sondaı-aq buryn mas kúıinde kólik júrgizip qujatynan aıyrylǵan azamattarǵa júrgizýshi kýáligi men onyń telnusqasyn bergeni úshin birneshe ret qomaqty mólsherde aqsha túrinde para alyp kelgen degen kúdikke ilindi. Tergeý jalǵasyp jatyr. Kúdiktige qatysty sońǵy sheshimdi sot shyǵarady», dep málimdedi Qostanaı oblysynyń sybaılas jemqorlyqqa qarsy kúres qyzmeti.