Pavlodar oblysy Ertis aýdanynda mas kúıinde kólik tizgindegen 59 jastaǵy er adam jeti jyl merzimge kólik basqarý quqyǵynan aıyrylyp, 15 táýlikke ákimshilik qamaýǵa alyndy, dep habarlaıdy Egemen.kz Pavlodarnews.kz saıtyna silteme jasap.
Pavlodar oblystyq polısııa departamentiniń málimetinshe, mas kúıinde kólik júrgizý týraly zańnamanyń qatańdatylýyna qaramastan, kún saıyn kólikti mas kúıinde basqarý faktileri kóptep tirkelýde. Tipti, tártip saqshylary kólikti tizgindeý quqyǵynan buryn aıyrylǵan turǵyndardy da mas kúıinde ustaıdy.
- 2021 jyldyń 31 shildesinde Ertis aýdanynyń polıseıleri 59 jastaǵy er adamnyń basqarýymen «MTZ-82» traktoryn toqtatty. Qujattardy tekserý kezinde júrgizýshiniń ishimdik ishkeni anyqtalǵan. Júrgizýshi kýálandyryldy, medısınalyq kýálandyrýdyń qorytyndysyna sáıkes er adam mas kúıinde bolǵan. Tártip buzýshyǵa qatysty QR ÁQBK 608 - babynyń 1-bólimi boıynsha ákimshilik hattama toltyryldy, - dep habarlady Pavlodar oblysy Ertis aýdandyq polısııa bóliminiń bastyǵy Dáýlet Moldabaev.
Materıal sotta qaralyp, sot qaýlysymen traktor júrgizýshisi atalǵan ákimshilik quqyq buzýshylyqty jasaǵany úshin kináli dep tanylyp, jeti jyl merzimge kólik basqarý quqyǵynan aıyryldy. Sonymen qatar, 15 táýlikke ákimshilik qamaýǵa alyndy.