BUU Aýǵanstannyń ońtústigindegi Leshkergahta on myńdaǵan adamnyń qaqtyǵys arasynda qalyp qoıǵanyna alańdaıtynyn bildirdi, dep jazady Egemen.kz trt.net.tr saıtyna silteme jasap.
BUU Bas hatshysynyń baspasóz hatshysy Stefan Dýjarık kúndelikti baspasóz brıfınginde Talıbannyń jyljýy nátıjesinde Aýǵanstandaǵy lańkestik áreketterdiń ýaıymdy arttyrǵanyn aıtty.
Gelmand jáne Kandaharda azamattardyń zardap shekkenin jáne aýrýhanalar sekildi ınfraqurylymnyń qırap jatqanyn aıtqan Dýjarık Aýǵanstannyń ońtústigindegi Leshkergahta on myńdaǵan adamnyń qaqtyǵystardyń arasynda qalyp qoıǵanyn jetkizdi. Ol bıyl 360 myń, 2012 jyldan beri shamamen bes mıllıon adamnyń Aýǵanstanda turǵan jerinen kóshkenine nazar aýdardy.
Dýjarık Aýǵanstandaǵy taraptardy beıbit halyq pen azamattyq ınfraqurylymdy qorǵaýǵa shaqyrdy. Halyqaralyq qoǵamdy da Aýǵanstan úshin 1,3 mıllıard dollar kómek jınaýǵa úndedi.