О́zbekstanda «AQSh jáne Kanada jeke kolleksııalaryndaǵy О́zbekstannyń mádenı murasy» dep atalatyn aýqymdy eńbek jaryqqa shyqty, dep habarlaıdy Egemen.kz Túrki Akademııasynyń baspasóz qyzmetine silteme jasap.
Muhıttyń arǵy betindegi jeke kolleksııalardaǵy baı muralardy qamtyǵan albomdy ázirleý jumystary eki jyl boıy júrgizilgen.
Aıta ketý kerek, biregeı basylym «Álem kolleksııalaryndaǵy О́zbekstannyń mádenı murasy» jobasy aıasynda júzege asyryldy. Atalǵan eńbek oqyrmandarǵa Amerıka men Kanada jeke kolleksııalaryndaǵy ózbek jádigerleriniń alýan túrlerimen tanysýǵa múmkindik beredi. Albomda baǵaly jáne biregeı jádigerler sapaly fotosýrettermen kórkem bezendirilip berilgen.
Baǵaly eńbektiń bir ereksheligi – maqalalardyń bir bóligin kolleksııa ıeleriniń ózderi, al ekinshi bóligin olardy zerttegen mamandar jazǵan.