Abaı kúnine oraı Qazaqstannyń Belgııadaǵy Elshiligi Belgııadaǵy eń iri Koroldik kitaphananyń qoryna qazaqtyń uly aqyny Abaı Qunanbaıulynyń fransýz tilindegi «Qara sózder» jınaǵyn tapsyrdy, dep habarlaıdy Egemen.kz QR Syrtqy ister mınıstrligine silteme jasap.
Is-shara barysynda Belgııa tarapyna qazaq jazba ádebıetiniń negizin qalaýshy Abaıdyń ómiri men onyń qundylyqtary týraly aqparat berildi. Abaıdyń qundylyqtary áıgili belgııalyq aqyn Gıdo Gezelldiń qundylyqtaryna uqsas.
Fransýz tilinde jaryq kórgen «Qara sózder» jınaǵy Brıýsseldegi mýnısıpaldyq kitaphanalar men mektepterge syıǵa tartyldy.
Aıta ketsek, Belgııa Koroldik kitaphanasy 1837 jyly qurylǵan. Búgingi tańda Koroldik kitaphanasy eldegi eń úlken kitaphana bolyp sanalady. Kitaphananyń 17-qabattyq qorynda 6 mıllıonnan astam kitap bar.