EL BOLAShAǴYNA ARNALǴAN INTERAKTIVTI SABAQ

Aqparattyq tehnologııa neǵur­lym alǵa jyljyp damyǵan saıyn, qolaılylyq pen izgi jetistikter adamnyń ómirine de belsene arala­syp ketti. Jańa tehnolo­gııanyń ıgerilýi ásirese bilim berý salasyna zor serpin bergeni belgili. Muny biz zaman talabyna saı búginde ár oqý ordalarynda ótip jatqan onlaın tártibindegi ınteraktıvti sabaqtar­dan anyq baıqaı alamyz. Sonyń biri Bilim jáne ǵylym mınıstrligi Balalardyń quqyq­taryn qorǵaý ko­mıtetiniń uıytqy bolýymen ótken “Meniń Otanym – Táýelsiz Qazaq­stan” atty ınterak­tıvti sabaq edi. Elbasynyń bıylǵy “Jańa on­jyl­dyq – jańa ekonomıkalyq ór­leý – Qazaqstannyń jańa múmkin­dikteri” atty Joldaýyn iske asyrý josparyna sáıkes uıymdas­tyrylǵan bul sabaq barlyq qazaqstandyq­tardyń bilim alýyn, órkendeýin jáne ál-aýqatynyń artýyn qamtamasyz etý maqsatynda memlekettiń atqaryp jatqan shara­larymen oqýshylardy tanys­tyrý maqsatynda ótti. Qazaqstan Respýblıkasnyń  Tuń­ǵysh Prezıdenti murajaıy dırek­tory­nyń orynbasary Botagóz Qaıypova ınteraktıvti sabaqqa qatysyp, oqýshylarǵa Elbasy Jol­daýynyń mán-maǵynasyn, mańyz­dylyǵyn túsindirdi. Ol sonymen qatar elimiz­diń basty baılyǵy – Qazaqstan halqy arasyndaǵy ynty­­maq pen kelisimdi qadirleýge, urpaqtar sabaqtastyǵyn saqtaýǵa úndedi. Osy ınteraktıvti sabaqqa qatysqan mektep oqýshylary ózderiniń pikirlerin, otansúıgishtik pen bilimge qushtarlyq týraly óz oılaryn ortaǵa saldy. Araı ÚIRENIShBEKQYZY.