Birikken arab ámirlikterinde oqý-jattyǵý jıynyn ótkizip jatqan «Astana» komandasy qorǵaýshy Evgenıı Gorıachıımen, Abzal Beısebekovpen jáne jartylaı qorǵaýshy Marat Shahmetovpen kelisim-shartty uzartty. Bul týraly egemen.kz tilshisi habarlady.
Komanda taǵy eki oıynshymen kelisim-shartqa otyrdy. Endi kelesi maýsymnan bastap Qazaqstan ulttyq quramasynyń oıynshylary Dmıtrıı Shomko men Serikjan Mujyqov «Astana» klýbynda óner kórsetedi.
Marat Shahmetov astanalyq komandada osymen altynshy jyl qatarynan oınaıtyn bolady. Ol osy ýaqyt ishinde 137 ret alańǵa shyǵyp, 7 gol soqqan. Abzal Beısebekov bolsa, astanalyqtardyń jeıdesinde alǵash ret alańǵa 2009 jyly shyqty. Sodan keıin eki jyl basqa komandada oınap, 2012 jyly qaıtip keldi. «Astana» klýbynda ol 64 match ótkizip, qorǵaýshy bolsa da bir goldyń avtory atandy. Al Evgenıı Gorıachıı osymen úshinshi jyl qatarynan astanalyq komandanyń quramynda oınaýǵa kelisimin berip otyr. Ol komandanyń sapynda Qazaqstan kýbogyn jeńip alsa, bir ret Premer-lıganyń kúmis júldesine ıe boldy. Dmıtrıı Shomkoǵa kelsek, ol «Astana» quramynda 2011 jyly 11 oıyn ótkizgen bolatyn. Jalpy, Qazaqstan chempıonatynda 121 match ótkizip, 8 gol soqqan. Serikjan Mujyqov Premer-lıgada 129 oıynǵa qatysyp, 12 ret goldyń avtory atandy.
Qazir komandada Bosnııa jáne Gersogovına jastar quramasynda oınaǵan Marın Anıchıch te synaqtan ótýde.
Dastan Kenjalın.
Derekkóz: «Astana» fýtbol klýbynyń baspasóz hatshysy Dmıtrıı Nesterenko.