YNTYMAQTASTYQ UIаSY

Aqtóbe qalasyndaǵy Dostyq úıiniń ashylý saltanatyna Elbasy Nursultan Nazarbaevtyń ózi qatysyp, osyndaǵy etnomádenı birlestikter ókilderimen kezdesip, emen-jarqyn áńgimelesken-di. Sodan beri nebári jarty jyl ótse de Dostyq  úıi shyn máninde ult­tar dostyǵy  men yntymaq­tas­ty­ǵynyń ystyq uıasyna aınaldy. Munda qoǵamdyq, saıası jáne má­denı sharalar jıi ótkizilip turady. Oblys ákimi Eleýsin Sa­ǵyn­dy­qovtyń bastamasymen salynǵan Dos­tyq úıinde oblysymyzda tir­kelgen 18 etnomádenı birlestik  pen jeksenbilik mektepterge ar­nalǵan bólmelerden basqa úlken kon­sert zaly, 300 oryndyq sal­tanat zaly, horeografııa zaly,  kon­ferens-zal, murajaı, lıng­vıs­tı­kalyq bólme bar. Osy shańyraq astynda oryn tepken ortalyqtar músheleri óz ana tilderin, sondaı-aq memlekettik tildi oqyp-úırenýge, salt-dástúrlerin, má­de­nıe­tin jańǵyrtýǵa múmkindik alyp otyr. Ázirge 18 etnomádenı bir­les­tiktiń altaýynda ashylǵan jek­sen­bilik mektepterde 100-den astam adam qazaq tilin oqıdy.  Olardyń ishinde ýkraındar, tatarlar jáne koreıler óz tilderin birneshe topqa bólip oqytýdy qolǵa alypty. Sond­aı-aq, ázirbaıjandar, armıan­dar men nemister de jeksenbilik mektepterin ashqan. Birlestikter janynan kór­kem­óner­pazdar ujymdary qurylǵan. Oblys ortalyǵynda ótetin túrli saıası-mádenı sharalarǵa udaıy qatysatyn ýkraındardyń birlestigi janyndaǵy “Oksana” fol­klor­lyq ansambli men hor ujymynyń, “Iаzgy monnar” tatar bı ansam­bliniń, bolgarlardyń “Vıara” fo­l­k­lorlyq ansam­bliniń  ónerimen aqtóbelikter jaqsy tanys. “Oksana” folklorlyq ansam­bli­niń, “Faılhen” ansambliniń, “Chhıson” jáne “Iаzgy mońnar” bı ansamblderiniń halyqtyq ataq­tary bar. Dostyq úıindegi mu­ra­jaı­da qazirdiń ózinde ár etnos ókilderi tapsyrǵan  100-den astam jádiger bar. Bul jádigerler sol ulttyń tarıhynan,  ata kásibinen, turmys-saltynan, mádenıetinen habardar etedi. Osynda Qazaqstan halqy As­sam­bleıasy janyndaǵy “Birlik aq­sa­qaldar keńesi jumys isteıdi. Oǵan uzaq jyldar boıy oblystyq gazettiń redaktory bolǵan qart jýrnalıst Nurǵaıyr Teleýov jetekshilik etedi. “Birlik” aq­sa­qal­dar keńesi óz jumysyn memlekettik organdarmen, qoǵamdyq jáne dinı birlestiktermen, aýmaqtyq ózin-ózi basqarý organdarymen, etnomádenı birlestiktermen, basqa da uıym­dar­men tyǵyz baılanysta júzege asy­rýǵa baǵyt ustaýda. Dostyq úıindegi san alýan jumystardyń oblystaǵy turaqtylyq pen birlikke qyzmet etip jatqany aıqyn ańǵarylady. Satybaldy SÁÝIRBAI, Aqtóbe oblysy.