Aqtóbe qalasyndaǵy «Dostyq» úıinde Aqtóbe oblysy Qazaqstan halqy Assambleıasy keńesiniń keńeıtilgen otyrysynda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaý ótkizildi. Oǵan keńes músheleri, oblystaǵy 18 etnomádenı birlestikterdiń tóraǵalary men ókilderi qatysty. Otyrysty Aqtóbe oblysy Qazaqstan halqy Assambleıasy hatshylyǵynyń meńgerýshisi Qydyrǵalı Ermuhanov qysqasha sóz sóılep ashyp, Joldaýdyń el damýynyń jarqyn bolashaǵyn aıqyndaǵan baǵdarlamalyq qujat bolyp tabylatynyna toqtaldy. Ol Joldaýdyń «Qazaqstan-2050» Strategııasynda aıqyndalǵan erekshe aýqymdy mindetterdi júzege asyrý joldaryn ashyp, damyta túsetinin atap ótti.
Aqtóbe qalasyndaǵy «Dostyq» úıinde Aqtóbe oblysy Qazaqstan halqy Assambleıasy keńesiniń keńeıtilgen otyrysynda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaý ótkizildi. Oǵan keńes músheleri, oblystaǵy 18 etnomádenı birlestikterdiń tóraǵalary men ókilderi qatysty. Otyrysty Aqtóbe oblysy Qazaqstan halqy Assambleıasy hatshylyǵynyń meńgerýshisi Qydyrǵalı Ermuhanov qysqasha sóz sóılep ashyp, Joldaýdyń el damýynyń jarqyn bolashaǵyn aıqyndaǵan baǵdarlamalyq qujat bolyp tabylatynyna toqtaldy. Ol Joldaýdyń «Qazaqstan-2050» Strategııasynda aıqyndalǵan erekshe aýqymdy mindetterdi júzege asyrý joldaryn ashyp, damyta túsetinin atap ótti.
Otyrysta sóz alǵan «Ellada» grek etnomádenı» qoǵamdyq birlestiginiń tóraǵasy Iаn Lıpırıdı Elbasy Joldaýynyń máni men mańyzyna toqtala kelip, onyń qazaqstandyqtardyń baqýatty turmysyn qamtamasyz etýge ózek bolǵan baǵyttaryn tarqata áńgimeledi.
– Joldaý taqyryby men «Qazaqstan-2050 Strategııasy: bir halyq – bir el – bir múdde» atty Memleket basshysynyń Qazaqstan halqy Assambleıasynyń HH sessııasyndaǵy sóziniń birizdiligin kóremiz. Biz budan Elbasynyń gúldengen Qazaqstandy qalyptastyrý, qýatty memleket, damyǵan ekonomıka jáne jalpyǵa ortaq eńbekti paıdalana otyryp, berekeli qoǵam qurý jolyndaǵy sarabdal saıasatynyń jasampazdyǵyn ańǵaramyz. Elbasynyń bul jolǵy Joldaýynyń altyn arqaýy da halyqtyń turmysyn jaqsartýǵa, ultaralyq tatýlyq pen birlikti nyǵaıtýǵa, sondaı-aq, Jalpyǵa Ortaq Eńbek Qoǵamyn qurýǵa baǵyttalǵan baıandy baǵdarlamalardy quraıdy. Onda táýelsizdik jyldary júrip ótken qazaqstandyq joldan týyndaǵan «Máńgilik El» ulttyq ıdeıasy jarııa etildi. Ortaq Otanymyz – Qazaqstannyń gúldenýiniń izderi aıqyndalǵan. «Máńgilik El» ıdeıasynyń jeti qaǵıdasy bizdiń damýymyzdyń bazalyq qundylyqtaryn, halqymyzdyń ortaq múddesi men tarıhı taǵdyryn aıshyqtaıdy, – dedi Iаn Lıpırıdı.
Ol sondaı-aq, Joldaýda Qazaqstannyń álemniń damyǵan otyz eliniń qataryna ený jospary aıtylǵanyn, ishki jalpy ónimdi 4,5 esege, jan basyna shaqqanda 13 myń AQSh dollarynan 60 myń AQSh dollaryna jetkizý kózdelip otyrǵanyn jetkizdi. Elbasy Joldaýynda dárigerler men muǵalimderdiń eńbekaqysyn kóterý týraly málimdelgenin de jaǵymdy jańalyq retinde baıandady.
– Biz Elbasynyń ár jyldarǵy Joldaýyn asyǵa kútemiz, oǵan úlken senim artamyz. Shyny kerek, Nursultan Ábishulynyń sózi men isi qamshynyń egiz órimindeı jymdasyp jatady. Joldaýda aıtylǵan mindetterdi júzege asyrýǵa degen halyqtyń patrıottyq sezimi de joǵary. Men Elbasynyń bıylǵy Joldaýyn erekshe yqylaspen tyńdadym. Onda qazirgi qol jetken tabysymyzdy tolyqtyra túsýdiń izderi naqty kórsetilgen. «Máńgilik Eldi» nyǵaıtý – Qazaqstannyń táýelsizdigin nyǵaıtý dep túsinemiz. Sondyqtan ultaralyq kelisim men dostyqtyń tinin bekite beremiz. Bul jarqyn bolashaqtaǵy jasampaz isterimizdiń tuǵyry bolatyny sózsiz, – deıdi «Ázerbaıjandar assosıasııasy» respýblıkalyq qoǵamdyq birlestigi Aqtóbe qalalyq fılıaly keńesiniń tóraǵasy Shahbaz Jamalov.
Otyrysqa qatysýshylar Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn biraýyzdan qoldaıtyndaryn bildirdi. Joldaýdy qoldaý, nasıhattaý jáne júzege asyrýǵa baılanysty Aqtóbe oblysy Qazaqstan halqy Assambleıasynyń óńir turǵyndaryna úndeýin qabyldady.
Satybaldy SÁÝIRBAI,
«Egemen Qazaqstan».
Aqtóbe oblysy.