Memleket basshysynyń dástúrli Joldaýyn shyǵysqazaqstandyqtar jan-jaqty qýattaýda. Sonyń biri oblystyq Dostyq úıinde etnomádenı birlestik ókilderiniń qatysýymen ótti.
Memleket basshysynyń dástúrli Joldaýyn shyǵysqazaqstandyqtar jan-jaqty qýattaýda. Sonyń biri oblystyq Dostyq úıinde etnomádenı birlestik ókilderiniń qatysýymen ótti.
Jıynda «Qazaqstan joly – 2050: bir maqsat, bir múdde, bir bolashaq» atty Elbasy Joldaýy – elimizdiń uzaqmerzimdi «Qazaqstan-2050» Strategııasyn júzege asyrýdyń jalǵasy bolatyn biregeı baǵdarlama ekendigi áńgime ózegine aınaldy. Iаǵnı, bul qujat arqyly qazaqstandyqtardyń ál-aýqatyn jaqsartýdy kezeń-kezeńimen júzege asyrý mindeti tur.
Qazaqstan halqy Assambleıasynyń múshesi, armıan etnomádenı birlestiginiń tóraǵasy Karen Narımanıannyń qazaq jerin meken etip kele jatqanyna – 48 jyl. Osy jarty ǵasyrǵa jýyq ýaqytty oı eleginen ótkizgen ol elimizdiń jańa ǵasyrda jańa deńgeıge kóterilgenin jetkizdi. Elbasy Joldaýy – memlekettiń jalpy saıası-ekonomıkalyq damýyn qalyptap, negizdep otyratyn turaqty damý baǵdarlamasyna aınalǵanyn atap ótti.
– Biz Dostyq úıinde osy saıasatqa súıenip, eńbek etemiz. О́ıtkeni, Prezıdent saıasaty eshkimdi alalamaıtyn, ózekke teppeıtin elde turatynymyzǵa kepildik beredi, kóńilimizge senim uıalatady. Bizdiń talantty, daryndy jastarymyz ósip keledi. Sondyqtan, bilim salasyna quıylǵan qarajatty tıimdi paıdalanýymyz qajet. Máselen, memlekettik tildi úırený kerek. Kem degende, 80 paıyz otandastarymyzdyń qazaq tilinde sóılegenin qalaımyn, – dedi Karen Narımanıan.
Al «Vaınah» ulttyq-mádenı birlestiginiń tóraıymy Tatıana Kagermanova Joldaýda belgilengen mejege qol jetkizý úshin Qazaqstan halqynyń birligi zor mańyzǵa ıe ekenin atap ótti.
– Bıylǵy Joldaý – jurtshylyqqa óte jaqyn. Sebebi, halyqqa basty qajettilik: ál-aýqatty kóterip, bilim berý jáne densaýlyq saqtaý salalaryn jaqsartýǵa jáne kásipkerlikti keńinen damytýǵa basymdyq berilgen, – dedi QHA múshesi T.Kagermanova.
Dýman ANASh,
jýrnalıst.
О́SKEMEN.