Qyzylordada qarjy polıseıleri oblystyq monopolııaǵa qarsy ınspeksııanyń bastyǵy Álim Aımyrzaevty (sýrette) para alý faktisi boıynsha ustady. Bul týraly Ras.kz habarlady.
«2014 jylǵy 16 qańtarda Qyzylorda oblystyq qarjy polısııasy departamenti qyzmetkerleriniń oblystyq monopolııaǵa qarsy ınspeksııanyń bastyǵy Álim Aımyrzaevqa qatysty júrgizgen arnaıy jedel izdestirý sharalarynyń nátıjesinde onyń para alý faktisi boıynsha qylmystyq is qozǵady», – delingen habarlamada.
«Ol 2014 jyldyń 15 jáne 16 qańtar kúnderi memlekettik satyp alý merzimin uzartýǵa kelisim berý úshin «Qyzylorda tazalyǵy» JShS dırektorynan jalpy somasy 2 myń AQSh dollary jáne 295 myń teńge kóleminde para aldy dep aıyptalyp otyr», – dep túsindiriledi baspasóz paraqshasynda.
Sottyń 18 qańtardaǵy sanksııasymen Aımyrzaev úıqamaqqa alyndy.
Qylmystyq istiń basqa aqparlary tergeý múddesi úshin aıtylmaı otyr.
Farhat Fazyl.
Derekkóz: Ras.kz
Foto: Ras.kz.