Qazaqstan Respýblıkasy Syrtqy ister mınıstrliginiń Aýǵanstandaǵy jaǵdaı boıynsha málimdemesi

Qazaqstan Aýǵanstandaǵy jaǵdaıdyń damý barysyn muqııat qadaǵalap otyr.

Atalǵan eldiń tarıhynda taǵy bir sheshýshi sát kele jatyr. Kópjyldyq janjaldy aýǵan halqy ózi sheshýi kerek.

Qazaqstan barlyq taraptardy ishki turaqtan­dy­rýdyń bas­ty alǵysharty retinde bıliktiń beıbit tranzıtin qamtamasyz etýge shaqyrady. Biz BUU Qaýipsizdik Keńesiniń ınklıýzıvti jáne ókildik úkimet qurý, ulttyq azshylyqtar men áıelderdiń qu­­qyq­­taryn qur­metteý, basqa memleket­terge qaýip tón­diretin top­tar­dyń bolýyna jol bermeý, halyq­aralyq quqyqty saq­taý týraly málimdemesin qol­daı­myz.

Osy erejelerdi oryndaý Aýǵanstannyń jańa bıligimen dıalogti bastaý úshin qajetti shart bolýǵa tıis.