Elbasy Nursultan Nazarbaev «Astana EKSPO-2017» ulttyq kompanııasy» AQ basqarma tóraǵasy Talǵat Ermegııaevty qabyldady, dep habarlady Prezıdenttiń baspasóz qyzmeti.
Elbasy Nursultan Nazarbaev «Astana EKSPO-2017» ulttyq kompanııasy» AQ basqarma tóraǵasy Talǵat Ermegııaevty qabyldady, dep habarlady Prezıdenttiń baspasóz qyzmeti.
Memleket basshysyna T.Ermegııaev Astanada halyqaralyq EKSPO-2017 mamandandyrylǵan kórmesin ótkizýge daıyndyq barysy men bıylǵy jylǵa arnalǵan josparlar týraly baıandady.
Nursultan Nazarbaev nysandar qurylysyna otandyq kompanııalardy tartýdyń mańyzdylyǵyn atap ótti.
– EKSPO-2017 kórmesiniń úlken keshenderiniń salynýyn shaǵyn jáne orta bıznesti damytý úshin paıdalanǵan jón. Eń aldymen sapa deńgeıine sáıkes keletin qazaqstandyq qurylys kompanııalaryn tartý qajet. Qoldanylatyn qurylys materıaldary da qazaqstandyq bolýǵa tıis, ol otandyq bıznestiń jumys isteýine múmkindik beredi. Bul rette sapany qadaǵalaý qajet jáne tıisti mamandar bolýy kerek. Elimizdiń iri kompanııalary dýaldy oqytý baǵdarlamasyn iske asyrýda. Olardyń tájirıbesine qarap, soǵan uqsas baǵdarlama ázirleý – jastardy irikteý, olardy oqytý, EKSPO-2017 kórmesine daıyndyq pen ótkizý barysyndaǵy jumysqa mamandar daıarlaý qajet. Mamandar men kompanııalardy Qazaqstannyń barlyq óńirinen tartý kerek. Taǵy da qaıtalap aıtamyn, barlyq nysandar keıin de halqymyz ben elordamyzdyń ıgiligine paıdalanylýǵa tıis, – dedi Qazaqstan Prezıdenti.
Memleket basshysy Nazarbaev Ýnıversıtetimen birlesip Energııa ınstıtýtyn qurý múmkindigin atap ótti.
– Bul ǵylymı mekeme jańa energııa kózderin zertteýmen aınalysatyn bolady. Shet elderdiń tájirıbesin jınaqtap, olarǵa zerthanalyq jaǵdaıda taldaý júrgizý múmkindigin qarastyrǵan jón. Búginniń ózinde maǵan san alýan energııa túrleriniń ázirlemeleri jobalaryn joldaýda. Olardy iske asyrý máselesin qarastyrǵan abzal, – dedi Memleket basshysy.
«EKSPO-2017» ulttyq kompanııasy» AQ basqarma tóraǵasy 2014 jyly qurylystyń bastalýy jáne Halyqaralyq kórmeler bıýrosynyń resmı týyn alý josparlanǵanynan habardar etti.
– 2013 jylǵy jeltoqsan aıynda kórmeni ótkizýge baılanysty tirkeý resimderiniń bári aıaqtaldy. Qazirgi ýaqytta barlyq másele aı saıyn úkimettik komıssııada sheshilýde. Búgingi kúni is-sharalar jumys kestesine sáıkes júrgizilýde, olqylyq pen keshigý jaıttary joq. Kórme aıasyndaǵy nysandar qurylysynyń bastalýy osy jyldyń sáýir aıyna josparlanyp otyr, – dedi T.Ermegııaev.
Kezdesý qorytyndysynda Memleket basshysy qaralǵan máseleler boıynsha birqatar naqty tapsyrmalar berdi.
-----------------------------------------
Sýretterdi túsirgender
S.BONDARENKO, B.OTARBAEV.