Almaty qalasynda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaǵan aktıv jıyny bolyp ótti.
Alqaly jıynǵa qaladaǵy barlyq aýdandardyń ákimderi men olardyń orynbasarlary, qalalyq máslıhattyń depýtattary, qalalyq qurylymdardyń basshylary, belgili ǵalymdar men sarapshylar, qoǵam jáne memleket qaıratkerleri, densaýlyq saqtaý, bilim berý salalarynyń qyzmetkerleri, saıası partııalar men BAQ basshylary, jastar uıymdary men etnomádenı birlestikterdiń ókilderi qatysty.
Almaty qalasynda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaǵan aktıv jıyny bolyp ótti.
Alqaly jıynǵa qaladaǵy barlyq aýdandardyń ákimderi men olardyń orynbasarlary, qalalyq máslıhattyń depýtattary, qalalyq qurylymdardyń basshylary, belgili ǵalymdar men sarapshylar, qoǵam jáne memleket qaıratkerleri, densaýlyq saqtaý, bilim berý salalarynyń qyzmetkerleri, saıası partııalar men BAQ basshylary, jastar uıymdary men etnomádenı birlestikterdiń ókilderi qatysty.
Jıyn barysynda Elbasy N.Á.Nazarbaevtyń Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» atty Joldaýy talqylanyp, ony júzege asyrýdaǵy kezek kúttirmeıtin jáne uzaq merzimdi basym baǵyttar naqtylandy. Mańyzdy qujatta táýelsiz Qazaqstannyń aldaǵy damý jolynda atqaratyn isteri aıqyn kórsetilgen. Qala basshysy Ahmetjan Esimov aktıv otyrysyna qatysýshylar nazaryn osyǵan aýdaryp, ár salaǵa jeke toqtaldy.
«О́zderińizge belgili, 2012 jyldyń jeltoqsan aıynda Elbasy elimizdiń 2050 jylǵa deıingi damýynyń jańa strategııasyn usynǵan bolatyn. Al bıylǵy 17 qańtarda oblys ákimderi men mınıstrlerdiń, Qazaqstan Respýblıkasy Parlamenti qos palatasy depýtattarynyń, jalpy qalyń jurtshylyqtyń qatysýymen ótken otyrysta Memleket basshysy «Qazaqstan joly – 2050: bir maqsat, bir múdde, bir bolashaq» atty Joldaýyn jarııalap, «Qazaqstan-2050» Strategııasyn utymdy oryndaý jolyndaǵy negizgi kórsetkishterdi belgilep berdi, – dep bastady alqaly keńestiń ashylý saltanatynda sóılegen sózin A.Esimov. – Prezıdenttiń kezekti Joldaýynda memleketimizdiń aldaǵy damýynyń barlyq baǵyttaryna nazar aýdarylyp, mańyzdy mindetter belgilendi. Joldaý jaryqqa shyqqaly beri halyqtyń ony jyly qabyldap, tolyqtaı qoldaıtyndyǵy aıqyn ańǵarylyp otyr».
Jalpy, bıylǵy Joldaýda qazaqstandyqtardyń ál-aýqatyn arttyrýǵa erekshe kóńil bólingen. Ol úshin áleýmettik-ekonomıkalyq jańǵyrtýdy qolǵa alý basty mindetterdiń biri bolyp bekitildi. Bul halyq úshin asa mańyzdy. Sondaı-aq, bul jolǵy Joldaýda da halyqtyń qolaıly jáne jaıly ómir súrýi úshin qalalyq ınfraqurylymdardy zamanaýı úlgilerge sáıkes jańǵyrtý, jol, kólik jáne medısına salasyn ilgeri damytýǵa da nazar aýdarylǵandyǵyn aıta kelip, qala basshysy Almaty qalasynda júzege asyrylyp jatqan ınnovasııalyq jobalar men aldaǵy kúnderge jasalǵan ıgi josparlardy da tilge tıek etti.
Almaty – alyp megapolıs. Munda elimizdiń ár aımaǵyn aıtpaǵannyń ózinde, alys-jaqyn shet elderden kelip jumys istep jatqan san alýan ulttyń ókilderi barshylyq. Onyń ústine túrli dinı aǵymdardyń da resmı tirkelgen ortalyqtary men ókilettilikteri bar. Almatynyń tynyshtyǵy, qala turǵyndary men qonaqtarynyń qaýipsizdigi búkil Qazaqstannyń turaqtylyǵy hám tatýlyǵyna, tynyshtyǵy men jarasymyna kepil ekendigi aqıqat. Asa uqyptylyqpen júrgiziletin ultaralyq, dinaralyq qatynas sekildi óte názik saıası qatynas týrasynda Ahmetjan Smaǵululy: «Elbasy atap ótkendeı: «Azamattyq tatýlyq pen ultaralyq kelisim – bizdiń eń basty qundylyǵymyz». Endeshe, elimizdiń búgingi bıigine qol jetkizip, damýdyń sara jolyn tańdaǵan beıbit halyq, bolashaqta Nursultan Ábishuly bastap otyrǵan ulttyq ıdeıa – birligi jarasqan, berekesi tasyǵan «Máńgilik El» bolýdy qoldap otyr», deı kelip, ulttyń uıysýyna úles qosyp otyrǵan din qaıratkerleri men ulttyq etnomádenı birlestikterdiń atqarǵan isine, barshamyzdyń ortaq merekelerimiz ben ataýly sharalarǵa atsalysqan azamattardyń ıgi nıetterine de toqtalyp ótti.
Budan ári qala basshysy Elbasy Úkimet pen jergilikti organdarǵa Joldaýdyń basty maqsaty – Qazaqstannyń eń damyǵan 30 memlekettiń qataryna qosylýǵa múmkindik beretin birqatar tapsyrmalar bergendigin, olardy oryndaý jolynda qajetti resýrstar qalamyzda da, elimizde de jetkilikti ekenin jetkizdi. Elbasy úndep, el qýattap otyrǵan, barsha qazaqstandyqtar bolyp aldymyzǵa qoıǵan maqsatymyz utymdy iske asatyndyǵyna kámil senetindigin bildirip, jıylǵan kópshilikti jańa zamannyń jańa qadamyn birlese jasaýǵa shaqyrdy. Bul baǵytta Almaty qalasynyń úlesi zor bolatynyn jetkizgen ákim Almaty qalasynyń áleýmettik-ekonomıkalyq jáne ǵylymı-ıntellektýaldyq múmkindigi mol ekendigin, osyndaı múmkindikterdi paıdalaný arqyly birqatar máselelerdi sheshýge atsalysylyp, memleketimizdiń odan ári damýyna úles qosylatyndyǵyn sóz etti.
Munan keıin minbege kóterilgen Qazaqstan Respýblıkasy Ulttyq ǵylym akademııasynyń prezıdenti Murat Jurynov bıylǵy Joldaýda keńinen qozǵalǵan ǵylym salasyna jasalynatyn qamqorlyq pen eldegi jańa ǵylymǵa degen umtylys haqynda sóz sóıledi. Qazirgi tańda qazaq ǵylymyna IJО́-niń 0,26 paıyz deńgeıinde qarjy bólinip otyrǵanyn, ol shamamen 50 mıllıard teńgeni quraıtynyn, tipti, qazirgi kezde Eýropa elderinde IJО́-ge shaqqanda 3 paıyz qarajat bólinetindigin jáne ol elderdiń ishki jalpy ónimi bizben bir deńgeıde emestigin aıtqan M.Jurynov otandyq ǵalymdarǵa úlken qoldaý men múmkindiktiń jasalyp otyrǵanyn, Elbasy Joldaýyndaǵy talaptarǵa saı qazaq ǵylymyn jańa beleske shyǵarýdy júzege asyrý máselesin alǵa tartty.
Qazaqstan Respýblıkasy Prezıdentiniń janyndaǵy Strategııalyq zertteýler ınstıtýtynyń basshysy Bolat Sultanov elimizdiń ishki-syrtqy saıası-ekonomıkalyq qatynastarynyń búgingi tańda birizdilikke qoıylyp, kórshiles eldermen jasap jatqan qarym-qatynasymyzdyń kún sanap jemisti bolyp otyrǵanyn aıtsa, nemis etnomádenı birlestiginiń janyndaǵy jastar uıymynyń ókili Aleksandr Reımer Elbasy Joldaýyndaǵy alǵa qoıylǵan maqsattardyń naqty ári búgingi tańda asa qundy ekendigin atap kórsete kelip, «biz, qazaqstandyqtar, ásirese, osy eldi meken etip, jaqsylyǵyn kórip otyrǵan ózge ult ókilderi, Elbasy nusqaǵan «Máńgilik El» ıdeıasyn myǵym júzege asyrý úshin barshamyz Qazaq eliniń týǵan tilinde – qazaq tilinde sóıleýdi óz aldymyzǵa mindet etip qoıaıyq», dedi.
Elbasy Nursultan Nazarbaevtyń halyqqa Joldaýy alqaly jıynda bas qosqan jamaǵat arasynda qyzý talqyǵa túsip, ár salanyń mamandary, ár ulttyń ókilderi men júrekteri «Bir el, bir maqsat, bir múdde jáne bir bolashaq» dep soqqan jurttyń jaqsy usynystarymen qoldaý taýyp otyrdy.
Qanat ESKENDIR,
«Egemen Qazaqstan».
ALMATY.
––––––––––––––––
Sýretterdi túsirgen
Bersinbek SÁRSENOV.