AQSh-tyń Alıaska shtatyndaǵy Ankorıdj qalasyndaǵy shekara jáne keden qyzmetkerleri, Qytaıdan jiberilgen 3000-nan asa jalǵan vaksınasııa sertıfıkatyn tárkiledi, dep habarlaıdy Egemen.kz Tengrinews.kz-ke silteme jasap.
Agenttik málimetinshe, qujattardyń sapasy nashar, biraq olardyń dızaıny AQSh-tyń Aýrýlardy baqylaý jáne aldyn alý ortalyǵynyń (CDC) shynaıy sertıfıkattaryna uqsas. Kedenshiler zańsyz júk salynǵan 150-ge jýyq joldamany anyqtady. Qytaıdan jiberýshi bir adam.
«Bul jalǵan vaksınasııa sertıfıkattaryn anyqtaý amerıkalyqtar qaýipsizdigi úshin mańyzdy. Alıaskadaǵy otandastarymyzǵa degen qamqorlyq. Biz maqtanyshpen aıtatyn kóp mindetterdiń biri», dedi Ankorıdj aımaqtyq port dırektory Lens Robınson.
Ankorıdjdegi jergilikti port dırektorynyń kómekshisi Kımberlı Fernandestiń aıtýynsha, jalǵan vaksınasııa sertıfıkattary AQSh-tyń Alıaskadan basqa jerlerine de jóneltilgen.