Memlekettiń ustanǵan baǵyty, damý deńgeıi jáne barar joly – árbir azamat úshin mańyzdy. Osynyń bárin saralap, salmaqtap baıandap beretin, jetkenimiz ben aldaǵy mindetterdi aıqyndaıtyn qujat – Joldaý. Memleket basshysy N.Nazarbaevtyń bıylǵy Joldaýy da el kútken jańalyqtardy aıtyp, halyqtyń bolashaqqa degen senimin nyǵaıtyp, táýelsiz Qazaqstanymyzdyń keleshek kelbetin tanı túsýimizge oń áserin tıgizdi.
Memlekettiń ustanǵan baǵyty, damý deńgeıi jáne barar joly – árbir azamat úshin mańyzdy. Osynyń bárin saralap, salmaqtap baıandap beretin, jetkenimiz ben aldaǵy mindetterdi aıqyndaıtyn qujat – Joldaý. Memleket basshysy N.Nazarbaevtyń bıylǵy Joldaýy da el kútken jańalyqtardy aıtyp, halyqtyń bolashaqqa degen senimin nyǵaıtyp, táýelsiz Qazaqstanymyzdyń keleshek kelbetin tanı túsýimizge oń áserin tıgizdi.
Joldaýdyń «bir maqsat, bir múdde, bir bolashaq» atalýy da kópultty Qazaqstan halqynyń ózara birligin, tatýlyǵyn, bolashaqty birge qurýǵa jumyla atsalysýyn meńzep tur. Rýǵa, júzge, jerge, ultqa bólinbeı, barshamyzdy «Qazaqstan» degen ortaq múdde biriktirýi qajet ekendigin alǵa tartady. Joldaýdyń tiregi – birlik bolsa, odan ári osydan týyndaıtyn negizgi taqyryptar, ıaǵnı el bolyp damý jolyndaǵy tapsyrmalar aıtylady. Ol tapsyrmalar negizgi 10 baǵytta toptastyrylǵan. Munyń qaı-qaısysynyń da el damýy úshin asa mańyzdy, qajetti ekendigi belgili.
Mysal úshin geologııa salasyn alaıyq. Men geolog emespin, tipti, óndiris salasynyń da mamany emespin. Áıtse de, munaıly óńirdiń azamaty retinde, aımaqtyń áleýmettik-ekonomıkalyq áleýeti bizge jaqsy tanys, BAQ betterinen únemi qadaǵalap otyramyz. Mańǵystaýda munaı men gaz óndirý kólemi túsip ketti. Bul eńbek kúshiniń azdyǵynan nemese tehnologııalyq turǵydan emes, jer qyrtysyndaǵy qazba baılyqtar kóleminiń tómendeýinen týǵan jaǵdaı. Sondyqtan ózge jerlerge geologııalyq barlaý jasap, ken baılyqtaryn anyqtap, ıgerý qajet. Bul baǵytta jalpy qozǵalys bar, áıtse de, Joldaý osy qozǵalysty jandandyryp, naqty jumystar júrgizýge serpin beredi dep kútemiz. Sondaı-aq, Joldaýdaǵy osy joldar oqý oryndarynan geolog mamandyǵyn alyp shyǵyp, qazir jumys tappaı júrgen jastarymyzdyń úmitin úrledi.
Al aýyl sharýashylyǵy – halqymyzdyń etene salasy, kúnkóris ózegi. Ǵylym men tehnıka damı túskenmen, aýyl sharýashylyǵy óz mańyzyn joımaıdy. Biraq, bul salanyń da tolyqqandy deńgeıde tórt aıaǵyn teń basyp kete almaı kele jatqany jasyryn emes. Mundaı tustardy biz shıge shanshyp synaı, kinálap-kústánalaı jónelmeı, táýelsizdigin alǵanyna nebári 23 jylǵa qadam basqan elimizdiń áli de bolsa úlgere almaı jatqan tustary dep túsingenimiz abzal. Qaı nárseniń de ýaqyty keledi. Bıylǵy Joldaýda aýyl sharýashylyǵy salasynda agrarlyq ǵylymdy damytý arqyly elimizdi eksporttaýshy elge aınaldyrý tapsyrmasynyń berilýi salanyń budan arǵy damýyna qoldaý bolmaq.
«Memleketimizdiń tiregi – baqytty jandar» degendeı, Joldaýdaǵy memlekettik jáne azamattyq, áleýmettik qyzmetkerler jalaqysynyń, stýdentter shákirtaqysynyń ósýi halyq arasyna tez tarap, kóńilderdi qýanyshqa bóledi.
Mańǵystaý О́ner kolledji – elimiz táýelsizdik alǵan soń kóp uzamaı qurylǵan, Otanymyzdyń ónerli ul-qyzdaryn baýlýǵa qanatqaqty talaptanǵan jas bilim ordalarynyń biri. Kolledjdiń túlekteri qazir oblysymyzdyń bilim berý oryndarynda, mádenıet mekemelerinde eńbek etip júr, tipti, olardy Mańǵystaýdyń barlyq aýyldarynan kezdestirýge bolady. Budan aıtarym, kolledj elimizdiń bilim berý salasyna án men kúıden, beıneleý ónerinen sabaq beretin muǵalimder daıyndasa, mádenıet salasyn aspapshylar, t.b. mamandyq ıelerimen tolyqtyrýda. «Qazaqstan joly – 2050: bir maqsat, bir múdde, bir bolashaq» Joldaýynda osy eki sala Memleket basshysy N.Nazarbaev nazarynan tys qalǵan joq. О́zge eldermen úzeńgi qaǵystyra alatyn mamandar daıyndaý úshin básekege qabiletti ulttyq bilim berý júıesin qalyptastyrý jáne mádenıetke qatysty saıasattyń tujyrymdamasyn jasaý tapsyryldy. Bul tapsyrmalar qos salany jańarý, jańǵyrý jolyna túsiredi dep oılaımyz.
Endi quzyrly oryndar tarapynan iskerlik, tııanaqtylyq, jaýapkershilik bolýy qajet, al barsha otandastarymyz Joldaýǵa ózara tatýlyq, birlikti berik ustaný jaǵynan úles qosa alady.
Amanbek SÚNDETOV,
Mańǵystaý О́ner
kolledjiniń dırektory.
AQTAÝ.