Jaqyn kúnderde Temirtaý elektr-metallýrgııa kombınatynda birden 600 eńbekkerdiń jappaı jumystan qysqartylatyndyǵy jónindegi habar ujym múshelerin abyrjytqan edi. Olarǵa bul kásiporynnyń jańa qojaıyndarynyń túsindirýi boıynsha, burynǵy basshylar samarqaýlyǵy saldarynan kombınat bankterge bereshekke belshesinen batqan, salyq tólenbegen kórinedi. Sondyqtan óndiris shatqaıaqtap, kiris tabý tómendep, jumystyń quldyraýy shegine jetkendikten osyndaı sharaǵa eriksiz májbúr bolýlary alǵa tartylyp, aqyry málim etilýge týra kelgen.
Jaqyn kúnderde Temirtaý elektr-metallýrgııa kombınatynda birden 600 eńbekkerdiń jappaı jumystan qysqartylatyndyǵy jónindegi habar ujym múshelerin abyrjytqan edi. Olarǵa bul kásiporynnyń jańa qojaıyndarynyń túsindirýi boıynsha, burynǵy basshylar samarqaýlyǵy saldarynan kombınat bankterge bereshekke belshesinen batqan, salyq tólenbegen kórinedi. Sondyqtan óndiris shatqaıaqtap, kiris tabý tómendep, jumystyń quldyraýy shegine jetkendikten osyndaı sharaǵa eriksiz májbúr bolýlary alǵa tartylyp, aqyry málim etilýge týra kelgen.
Sebep-syltaýlary durys bolsa, árıne, qıyn jaǵdaı. 2 myńǵa tarta eńbekkerdiń qys ortasynda aıaq astynan 600-niń jumyssyz qalmaqtyǵy mundaı jaı-kúıge eshqandaı kinási joqtarǵa bosa-bolmasyn tipti aýyr tıgendigin aıtyp jatý artyq. Bir jaǵynan kombınat basshylaryn, sondaı-aq, ujym múshelerin tyǵyryqqa tiregen kıkiljiń oblystyq ákimdik tarapynan elenbese kúrdelene túserdeı edi.
Aımaq basshysy Baýyrjan Ábdishevtiń atalǵan kásiporynǵa arnaıy kelip, jaǵdaımen tikeleı tanysyp, mán-jaıǵa tolyq qanyǵýy eki jaqty da qınaǵan máseleniń sheshimin tabýyna múmkindik týǵyzdy. Sabyrlylyqpen salmaqtap, tereń oılastyrylyp, ózara túsinistik eskerilip, baıyppen paıymdalý nátıjesinde kúrmeýi sheshilmeıtindeı kórinip, ýshyqqaly turǵan jaǵdaı jaılandy. Kelisimge sáıkes 300 adam aýtsorsıng arqyly jumys oryndaryn saqtap qala alatyn boldy. Al qalǵandary ýaqytsha basqa jumystarǵa aýystyrylyp, óndiris tynysy qalyptasqan bette qaıta oralyp, úırenshikti ortalarynda eńbek etýdi jalǵastyrady.
Bulaısha bolýǵa múmkindik bar. Aldaǵy ýaqytta jańa peshti iske qosý jobalanyp otyr. Ol óndiris qýatyn arttyrýǵa jaǵdaı jasaıdy. Sonymen birge osyǵan baılanysty qosymsha sharalar qolǵa alynady. Sóıtip, Temirtaýdaǵy irgeli kásiporyndar biriniń kópke uzamaı qalypty jumys yrǵaǵyna enýine oraı bul kúnde munda abyrjýshylyq basyldy.
Aıqyn NESIPBAI,
«Egemen Qazaqstan».
TEMIRTAÝ.