Qarjy polısııasy qyzmetkerleri Almaty oblysy revızııalyq komıssııasynyń bas baqylaýshy-tekserýshisin para aldy degen kúdikpen ustady. Bul týraly Gazeta.kz habarlady.
Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy) baspasóz qyzmetiniń málimetine júginsek, oblystyń bas kontroler-revızory Ile aýdanynda ornalasqan 5 mekteptiń tekserý qorytyndysyna jaǵymdy akt jasaý úshin 1,8 mln.teńge para aldy dep aıyptalǵan. Qazir bul azamattyń ústinen qylmystyq is qozǵaldy.
Quqyq qorǵaý qyzmetkerleri osyǵan qatysty tolyq málimetti tergeý múddesine saı jarııalaǵan joq. Sondyqtan aldaǵy ýaqytta bul jónindegi máselege qaıta oralatyn bolamyz. Belgilisi, aıypker eshqaıda ketpeý qolhatymen tergeýshige jaýap berýde.
Ámirhan Almaǵanbetov.
Derekkóz: Gazeta.kz.
Foto: Inform.kz.