Iemende árbir 10 mınýtta bir bala durys tamaqtabaý men túrli aýrý saldarynan shetinep jatyr. IýNISEF dırektory Genrıetta Fore Iemendegi gýmanıtarlyq jaǵdaıǵa baılanysty brıfıng uıymdastyrdy. Onyń aıtýynsha, bıyl bolǵan qaqtyǵystarda 1,6 mıllıon bala týǵan jerinen jyraq ketken, dep jazady Egemen.kz TRT-ǵa silteme jasap.
Iemende 21 mıllıon adam gýmanıtarlyq kómekke zárý. Olardyń 11,3 mıllıony – bala.
«2,3 mıllıon bala óte nashar tamaqtanady jáne 400 myń bala osy sebepten ólim aýzynda. Árbir 10 mınýtta bir bala qaıtys bolyp jatyr», dedi Genrıetta Fore.
BUU-nyń Iemendegi arnaıy ókilderi de shamamen bes mıllıon adamnyń ash otyrǵanyn aıtty.
Elde jeti jyldan beri qaqtyǵystar jalǵasyp keledi, saldarynan myńdaǵan adam qaza tapty.
Iemen – álemdegi eń kedeı elderdiń biri. Soǵys saldarynan gýmanıtarlyq daǵdarys ta asqyndy.
BUU derekterine qaraǵanda, Iemende halyqtyń 80 paıyzy gýmanıtarlyq kómek jáne qorǵaýǵa muqtaj.