Aqsý qalasynyń Alǵabas aýylynyń tusyndaǵy jol burylysy arqyly Aqtoǵaı, Ertis aýdandaryna bara alasyz. Burylys bálenbaı jyldan beri oı-shuńqyrdan kóz ashpaı tur. Jolsaparǵa shyqqanda kózimiz kórip júr. Alǵabas aýylymen qatar kórshi aýyldyń ákimi Jeńis Ábikenniń aıtýynsha, burylys tipti de jergilikti ákimdikterdiń quzyrynda emes. Burylys Ekibastuzǵa, Baıanaýylǵa, Astanaǵa baratyn jol ótetin aınalma kópirge taıaý jerde. Jarqyraǵan jaryq shamdary joq kópir túnde kórinbeıdi.
Aqsý qalasynyń Alǵabas aýylynyń tusyndaǵy jol burylysy arqyly Aqtoǵaı, Ertis aýdandaryna bara alasyz. Burylys bálenbaı jyldan beri oı-shuńqyrdan kóz ashpaı tur. Jolsaparǵa shyqqanda kózimiz kórip júr. Alǵabas aýylymen qatar kórshi aýyldyń ákimi Jeńis Ábikenniń aıtýynsha, burylys tipti de jergilikti ákimdikterdiń quzyrynda emes. Burylys Ekibastuzǵa, Baıanaýylǵa, Astanaǵa baratyn jol ótetin aınalma kópirge taıaý jerde. Jarqyraǵan jaryq shamdary joq kópir túnde kórinbeıdi. Kópirdiń ár jaqqa qaraı joldar ótetin aınalasyna kúrdeli jóndeýdiń jyldar boıy jasalmaǵany kórinip tur. О́tken jyly bastalǵan Pavlodar – Astana jolynyń qurylysy dál osy aýyldyń tusynan ótedi. Qurylys jumystaryn júrgizýge qarjy joq pa, joldyń ekinshi baǵyty jabyq. Al, ákimderi bar, basqarma basshylary bar áli kúnge deıin aýyldarǵa alyp baratyn bul burylysty «sen jónde, men jóndemen» bir-birine siltep otyrǵan sııaqty. Aýyldaǵy úlken-kishi, kári-jastyń, bala-shaǵanyń amandyǵy – ákimderdiń mindeti. Myń shuńqyrly burylyspen aýyldarǵa avtobýstar, jekemenshik taksıler júretinin eskerý kerek. Qazir eki kúnniń birinde jol-kólik oqıǵalary bolyp jatady. Jaman aıtpaı jaqsy joq. Sondyqtan, Alǵabas aýylynyń janyndaǵy qaýipti burylysqa shuǵyl jóndeý qajet. Joldyń burylysy eki aýdan men Aqsý qalasyna ortaq. Biz habarlasqan Qanat Qashqırov basqaratyn oblystyq jolaýshylar kóligi jáne avtomobıl joldary basqarmasy «bul burylys bizdiń jol emes, oblystyq mańyzy bar joldar qatarynda joq», dep shyqty. Jaraıdy delik, oı-shuńqyrly burylys pen alyp kópir Ersin Sarıev basqaratyn elimizdiń «Qazavtojol» AQ oblystyq fılıalyna qaraıtynyn bildik. Olaı bolsa, jyldar boıy kúrdeli jóndeý júrgizbeı «Qazavtojol» AQ qaıda qarap otyr?..
Farıda BYQAI,
«Egemen Qazaqstan».
Pavlodar oblysy.