Quqyq buzǵan polıseı qyzmetinen qýyldy

Qyzylorda oblysy Jańaqorǵan aýdanynda sybaılas jemqorlyqqa jaǵdaı týǵyzatyn quqyq buzýshylyqqa jol bergeni úshin ishki ister bólimi ákimshilik polısııa bólimshesiniń ınspektory B.Ismaıylov qyzmetinen qýyldy.

Qyzylorda oblysy Jańaqorǵan aýdanynda sybaılas jemqorlyqqa jaǵdaı týǵyzatyn quqyq buzýshylyqqa jol bergeni úshin ishki ister bólimi ákimshilik polısııa bólimshesiniń ınspektory B.Ismaıylov qyzmetinen qýyldy.

«2013 jyldyń 3 tamyzynda oblystyq ishki ister departamenti jol polısııa basqarmasy 2-vzvodynyń ınspektory A.Baısalov avtokólikti alkogoldik elitý jaǵdaıynda aıdap kele jatqan Q.Ertasovty toqtatqan. Tekserý barysynda onyń avtokólik júrgizý quqyǵy joq ekeni anyqtalǵan. Nátıjesinde atal­ǵan azamatqa ákimshilik hattama tolty­rylǵan», – dedi osyǵan oraı aýdan pro­kýrorynyń kómekshisi Rýslan Pirnazar.

Al ákimshilik quqyq buzýshylyq hattamasy sol kúni aýdandyq ishki ister bó­liminiń jol polısııa bólimshesine jet­kizilip, ákimshilik tájirıbe ınspek­­­­­to­ry B.Ismaıylovqa berilgen. Al Ákim­shilik Kodeksiniń 467-baby 8-tar­ma­ǵynda mundaı tártip buzýshy­­lyqqa sot sanksııa­sy arqyly on táýlikke qa­maý túrindegi jaza qoldanylatyny kór­se­tilgen. Sondaı-aq, osy Kodekstiń 640-baby 1-tarmaǵynda ákimshilik quqyq buzý­shylyq týraly hattamany dereý sýdıaǵa jiberilýi kerektigi atap kórsetilgen.

Alaıda, atalǵan bap talabyn óreskel buzǵan bólimshe qyzmetkeri B.Ismaıylov ákimshilik quqyq buzýshylyq týraly hattamany sotqa jibermeı, tartpasyna tastaı salǵan. Ol tek bul oqıǵa jurtqa belgili bolyp, shý kóterilgesin, arada eki aı ótken soń, 13 qazan kúni ǵana ákimshilik isti sotqa joldaǵan. Sonyń ózinde joldanǵan iste kóptegen kemshilikterdiń bolýy, onda Kodekstiń 635-baby talaptary saqtalmaýy sebepti, ol aýdandyq sottyń uıǵarymymen bólimshege keri qaıtarylǵan.

«Azamat Q.Ertasovqa qatysty ákim­­­shilik quqyq buzýshylyq týraly hattama toltyrǵaly beri 2 aı boıy onda kórsetilgen aqaýlyqtar múldem jóndelmeı, ákimshilik is esh qozǵalyssyz bólimshede jatqan. Bul jumysqa jaýapty ákimshilik tájirıbe ınspektory B.Ismaıylov óz kórsetýinde atalǵan kemshilikterge jol berýin quqyq buzýshyny 2 aı boıy taba almaǵanymen túsindirgen. Al Q.Ertasov aýdandyq «Jańaqorǵan tynysy» gazetinde tilshi bolyp qyzmet etedi. Atalǵan gazet bas redaktorynyń málimetine sáıkes, ol 8-20 qyrkúıek kúnderi aýdandyq aýrýhanada jatqanynan bólek kezderi jumysynda júrgen», – dedi R.Pirnazar budan ári.

Quqyq buzýshynyń memlekettik belgisi H 278 BDO «Volkswagen Passat» markaly avtokóligi 3-4 tamyz kúnderi avtoturaqqa qamaýǵa alynǵan. Biraq B.Isma­ıylov kólikti mas kúıinde aıdaǵan Q.Erta­sovtyń soǵan qosa júrgizýshilik kýáli­giniń joq ekenin bile tura, oǵan bir kúnnen keıin avtomashınany alyp ketýge ruqsat bergen. Sonymen qatar, ınspektorda quqyq buzýshyny izdestirgenin dáleldeıtin shaqyrý qaǵazdary, aýdandyq gazetke jazylǵan qatynas haty sekildi qujattary bolmaýy sebepti, onyń bul áreketine dálel joqtyǵy aıqyndalǵan. Bylaısha aıtqanda, izdestirgeniniń ózi de jalǵan bolyp shyqqan.

Osyǵan oraı, aýdandyq prokýratýra Memlekettik qyzmet isteri agenttiginiń ob­lystyq departamentine sybaılas jem­­qorlyqqa jaǵdaı týǵyzatyn quqyq buzý­shy­lyqqa jol bergeni úshin aýdandyq ishki ister bólimi ákimshilik polısııa bólim­­shesiniń ákimshilik tájirıbe ınspektory B.Ismaıylovtyń jaýapkershiligin sheshý jóninde usynys engizdi. Al isti qaraý qo­ry­tyndysymen atalmysh ıns­pektor qyz­me­tinen bosatyldy.

Qurysh NURYMBET.