Qazaqstan Respýblıkasynyń Syrtqy ister mınıstrligi Irannyń ıadrolyq baǵdarlamasy jónindegi dáneker elder «altylyǵy» men Iran arasyndaǵy Birlesken is-qımyl josparynyń júzege asyrylýynyń bastalýyna qatysty málimdeme jarııalady, dep habarlady osy vedomstvonyń baspasóz qyzmeti.
Qazaqstan Respýblıkasynyń Syrtqy ister mınıstrligi Irannyń ıadrolyq baǵdarlamasy jónindegi dáneker elder «altylyǵy» men Iran arasyndaǵy Birlesken is-qımyl josparynyń júzege asyrylýynyń bastalýyna qatysty málimdeme jarııalady, dep habarlady osy vedomstvonyń baspasóz qyzmeti.
Qazaqstan 2013 jylǵy 24 qarasha kúni Jenevada dáneker elder «altylyǵymen» jáne Iranmen qabyldanǵan Irannyń ıadrolyq baǵdarlamasyna qatysty Birlesken is-qımyl josparynyń júzege asyrylýynyń bastalýyn qoldaıdy, delingen málimdemede.
Odan ári Qazaqstannyń taratpaý rejimine qatań ustanǵan jáne ıadrolyq qarýdan óz erkimen bas tartqan memleket retinde Iran men halyqaralyq kelissózder júrgizýshi «altylyqty» Birlesken is-qımyl josparynyń sheńberindegi mindettemelerdi ýaqtyly jáne tıimdi iske asyrý maqsatynda tıisti qadamdar jasaýǵa shaqyratyny, bul óz kezeginde Iran ıadrolyq baǵdarlamasy boıynsha jan-jaqty ári uzaq merzimdi kelisimge qol jetkizý nátıjesine jeteleıtini atap kórsetiledi.
Qazaqstan qol jetkizilgen kelisimderdi iske asyrý bastamasy senim deńgeıiniń ulǵaıýyna, taraptardyń aldaǵy ýaqyttaǵy ózara yntymaqtastyǵynyń rettelýine jol ashyp, aımaqtyq jáne halyqaralyq qaýipsizdikti nyǵaıtýǵa óz úlesin qosatyn bolady, delingen málimdemeniń qorytyndysynda.