Almaty qalasynyń bas sanıtarlyq dárigeri Jandarbek Bekshınniń qaýlysynyń negizinde, bilim berý mekemelerinde koronavırýstyq ınfeksııanyń taralýynyń aldyn alý sharalary qalaı júrgiziletini anyqtaldy, dep habarlaıdy Egemen.kz.
Qujatqa sáıkes 2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda kelesi jaǵdaılarda shtattyq formatta oqytýdy qamtamasyz etý qajet:
Pedagogter men personaldy 100% vaksınasııalaý (saýyqqannan keıin 3 aı ishinde Sovid-19-ben aýyrǵan turaqty medısınalyq qarsy kórsetilimderi bar adamdardy; Uıymǵa kirý kezinde «Ashyq» qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵy bilim alýshylardy QR-kod (check-in) boıynsha tirkeý); Betperde rejımin saqtaý; Resırkýlıatorlardy, sanıtaızerlerdi, teri antıseptıkterin, dezınfeksııalaý jáne jýý quraldaryn jetkilikti sanymen qamtamasyz etý; Úı-jaılardy jınaý jáne dezınfeksııalaý jıiligin arttyrý; Úı-jaılardy ylǵaldy jınaý jáne dezınfeksııalaý júrgizýge, úı-jaılardyń aýasyn jeldetý jáne zararsyzdandyrý rejımine qoıylatyn talaptardy saqtaý; Buqaralyq is-sharalardy (mádenı, tárbıe, synyptan tys jáne ata-analar jınalystaryn jáne t.b.) ótkizýge tyıym salý; Mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salý; Zerthanalyq, praktıkalyq sabaqtardy qospaǵanda, oqytýdyń kabınettik júıesin joıý; Ashanadaǵy aýa resırkýlıatorlarynyń qondyrǵylaryn qamtamasyz ete otyryp, tamaqtanýdy uıymdastyrýdy baqylaýdy kúsheıtý.