Jambyl oblysyndaǵy áskerı bólimde oryn alǵan jarylysqa baılanysty óńirdegi júk tasymaly bólimshesi Taraz-Lýgovoe ýchaskesiniń jup jáne taq joldary barlyq poıyz qozǵalysy úshin jabyq, dep jazady Egemen.kz.
Tarazdan oqıǵa oshaǵynan 8-10 shaqyrym jerde ornalasqan Úshbulaq stansııasyna órt sóndirý poıyzy keldi. Shý stansııasynan da órt sóndirý poıyzy jiberildi.
Júk jáne jolaýshylar poıyzdarynyń qozǵalysy toqtatyldy.
Qazirgi ýaqytta Petropavl-Qyzylorda baǵytyndaǵy №75 jáne Mańǵystaý – Almaty-2 baǵytyndaǵy №78 jolaýshylar poıyzy, sondaı-aq 14 júk poıyzy toqtatyldy.
«Qurmetti jolaýshylar!
Tehnıkalyq sebepterge baılanysty:
- №41 Almaty-2 – Atyraý baǵytyndaǵy;
- №11 Almaty-2 – Shymkent baǵytyndaǵy;
- №78 Manǵystaý - Almaty-2 baǵytyndaǵy;
- №24 Aqtóbe – Almaty-1 baǵytyndaǵy ;
- №002 Shymkent – Almaty-2 baǵytyndaǵy;
- №72 Túrkistan – Almaty-2 baǵytyndaǵy;
- №86 Saryaǵash – Nur-Sultan-1 baǵytyndaǵy;
-№22 Qyzylorda – Semeı baǵytyndaǵy jolaýshylar poıyzdarynyń keshigedi.
Tolyǵyraq aqparat alý úshin jolaýshylar temirjol vokzaldarynyń anyqtama bıýrosyna nemese «105» biryńǵaı anyqtama qyzmetine habarlasýy kerek», dep jazady «Qazaqstan temir joly» UK» AQ baspasóz qyzmeti.