QR Aýyl sharýashylyǵy mınıstriniń mindetin atqarýshysy 2021 jylǵy 20 tamyzdaǵy buıryǵymen sandyq shekteýlerdi (kvotalardy) bólý qaǵıdalaryn jáne el aýmaǵynan áketýge qatysty sandyq shekteýler (kvotalar) engiziletin taýarlardyń tizbesin bekitti, dep habarlaıdy Egemen.kz.
Erejede kózdelgendeı, aı saıyn, esepti aı bastalǵanǵa deıin 15 jumys kúninen keshiktirmeı oblystardyń, respýblıkalyq mańyzy bar qalalardyń, astananyń ákimdikteri, «Atameken» Ulttyq Kásipkerler palatasy ýákiletti organǵa taýardyń árbir túri boıynsha óndiristiń, tutynýdyń josparlanǵan kólemi, qorlardyń jáne eksporttyń bolýy týraly shoǵyrlandyrylǵan aqparatty usynady.
Ýákiletti organ aı saıyn esepti aı bastalǵanǵa deıin 12 jumys kúninen keshiktirmeı ákimdik pen «Atameken» UKP usynystary negizinde óndiris, tutyný teńgerimine, qorlardyń bolýyna súıene otyryp, taýarlardyń árbir túri boıynsha mynadaı aqparatty esepteıdi jáne resmı ınternet-resýrsta jarııalaıdy:
Taýarlardy áketýge kvota alýǵa ótinimder qabyldaý týraly habarlandyrý;bólýge jatatyn kvota kólemi; Bólýge jatatyn taýarlar eksportynyń shekti kólemine paıyzdyq qatynasta kórsetilgen bir ótinimge arnalǵan lımıt (belgilengen kezde); Tirkelgen baǵany kórsete otyryp, QR ishki naryǵyna kepildendirilgen jetkizilimderdiń kólemi (belgilengen kezde); О́tinimderdi qabyldaýdyń bastalý jáne aıaqtalý kúni men ýaqyty; О́tinimderdi qabyldaýdy júzege asyratyn ýákiletti organnyń jaýapty adamynyń elektrondyq mekenjaıy jáne baılanys telefony.Ýákiletti organ alynǵan ótinimderdi olardyń tolyq toltyrylýyn (ótinim nysanynda kózdelgen barlyq qajetti aqparat pen qujattardyń bolýyn, sondaı-aq ótinimde jáne oǵan qosa beriletin qujattarda ótinish berýshiniń birinshi basshysynyń ne ókilettikterin rastaıtyn tıisti qujat negizinde ózge de laýazymdy adamnyń qolynyń bolýyn) tekseredi.
Belgilengen nysanǵa sáıkes kelmeıtin, tolyq emes nemese durys emes aqparaty bar, belgilengen merzim ótkennen keıin berilgen ótinimder qaralmaıdy.
Engizilgen qaǵıdalarǵa sáıkes, Qazaqstan Respýblıkasynyń aýmaǵynan áketýge arnalǵan kvotany bólýge syrtqy saýda qyzmetine qatysýshylar Qazaqstan Respýblıkasynyń aýmaǵynan áketýge josparlanatyn jáne belgilengen baǵalar boıynsha uqsas taýarlardyń belgili bir sanyn ishki naryqqa kepildi jetkizý týraly mindettemeler qabyldaǵan jaǵdaıda jiberiledi.
Buıryq 2022 jylǵy 1 aqpanǵa deıin qoldanylady. Onyń tolyq nusqasyn myna silteme arqyly kórýge bolady.