TMD memleketteri arasynda «Kaspıı-Antıterror-2021» birlesken antıterrorıstik oqý-jattyǵýyn iske asyrý bastaldy, dep habarlaıdy Egemen.kz QR Ulttyq qaýipsizdik komıtetine silteme jasap.
Is-sharanyń maqsaty - vedomstvoaralyq jáne memleketaralyq ózara is-qımyldy pysyqtaý, sondaı-aq TMD elderiniń quzyretti organdaryn teńiz ınfraqurylymy men munaı-gaz salasy obektilerinde týyndaıtyn terrorıstik aktilerdiń jolyn kesý úshin praktıkalyq is-qımyldarǵa daıyndaý.
«Oqý-jattyǵýdyń kúshtik kezeńi teńiz kóligi obektilerindegi teraktilik qaterlerdi beıtaraptandyrýdyń praktıkalyq daǵdylaryn pysyqtaýmen Mańǵystaý oblysyndaǵy Aqtaý qalasynyń teńiz portynyń aýmaǵy men akvatorııasynda ótedi», dep túsindirdi UQK baspasóz qyzmeti.
Oqý-jattyǵýda jarylystardy elestetý men oqsyz atý júzege asyrylady.