Aýǵanstan bıligine kelgen talıbandar (Joǵarǵy Sottyń sheshimi boıynsha, Qazaqstanda bul qozǵalysqa tyıym salynǵan) Qytaıdy negizgi halyqaralyq seriktes dep sanaıdy, dep jazady Egemen.kz Daily Sabah aqparattyq agenttigine silteme jasap.
Bul týraly talıban ókili Zabıýlla Mýdjahıd málimdedi.
«Qytaı negizgi seriktesimiz bola otyra, damýymyzǵa múmkindikter beredi, óıtkeni Qytaı bizdiń elge ınvestısııa salýǵa jáne qaıta qurý jumystaryn qoldaýǵa daıyn», dedi ol.
Mýdjahıd «Talıban Qytaıdyń «Bir beldeý jáne bir jol» bastamasyn joǵary baǵalaıtynyn, sebebi «ejelgi Jibek jolyn jandandyratynyn» aıtty. Ol sonymen qatar Qytaı Aýǵanstandaǵy taý-ken ónerkásibin qalpyna keltirýge kómektespek.
«Talıbandar sonymen qatar Reseıdi de mańyzdy seriktes dep sanaıdy jáne Máskeýmen jaqsy qarym-qatynasta bolady», dep qosty Mýdjahıd.
Kabýldaǵy Hamıd Karzaı atyndaǵy halyqaralyq áýejaı týraly aıta otyryp, Mýdjahıd bul mekemeniń tolyqtaı Talıbannyń baqylaýynda ekenin, biraq oǵan aıtarlyqtaı zaqym kelgenin aıtty.
«Áýejaı aldaǵy úsh kún ishinde tazartylyp, qysqa merzimde qaıta salynýy tıis. Qyrkúıekte qaıta jóndeý jumystary bastalady dep senemin», dedi ol.