Almatyda kópqabatty úıdiń terezesinen eki bala qulap, mert boldy, dep habarlaıdy Egemen.kz.
Almaty ákimi Baqytjan Saǵyntaev balalardyń qazasyna baılanysty ata-analaryna kóńil aıtty.
«Naýryzbaı aýdanynda 3 pen 5 jastaǵy balalardyń qazasyna baılanysty ata-analaryna kóńil aıtamyn. Aldyn ala málimetter boıynsha, bul jazataıym bolǵan oqıǵa. Polısııa departamentine mán-jaıdy anyqtap, obektıvti tergeý júrgizý tapsyryldy. Jaǵdaıdy jeke baqylaýyma aldym», dep jazdy ol.
Qaıǵyly jaǵdaı Naýryzbaı aýdany, «Shuǵyla» yqshamaýdanyndaǵy «Premera» turǵyn úı kesheninde ornalasqan 14 qabatty úıde boldy.