Konstıtýsııalyq reforma jónindegi komıssııanyń kezekti otyrysynda jańa Konstıtýsııa jobasyndaǵy memlekettik til máselesi qaıta qaraldy. Qoǵamda aıtylyp júrgen saýaldarǵa jaýap bergen sarapshylar negizgi zańda qazaq tiliniń orny ózgerissiz qalatynyn málimdedi, dep jazady Egemen.kz.
Komıssııa otyrysynda sóz alǵan Qazaqstannyń strategııalyq zertteýler ınstıtýty dırektory Jandos Shaımardanov Konstıtýsııa jobasynda bul másele anyq ári ekiushty túsindirmege jol bermeıtindeı túrde jazylǵanyn aıtty. Onyń aıtýynsha, talqylaý barysynda birqatar azamat memlekettik tildiń konstıtýsııalyq mártebesine qatysty alańdaýshylyq bildirgen.
Jańa Ata Zańnyń jobasynda qandaı myzǵymas qaǵıdattar bekitildi?
«Jańa Konstıtýsııa jobasynda qazaq tili memlekettik til retinde naqty bekitilgen. Bul norma eshqandaı kúmán týdyrmaıdy», dedi Jandos Shaımardanov.
Sarapshynyń sózinshe, qazirgi talqylaýlar qoǵamnyń Ata Zańǵa degen jaýapkershiligi artqanyn kórsetedi. Memlekettik tildiń mártebesin aıqyndaý – tek quqyqtyq norma ǵana emes, eldiń bolashaq damý baǵytyn aıqyndaıtyn qundylyqtyq tańdaý. Osy turǵydan alǵanda, jańa Konstıtýsııa jobasynda qazaq tiliniń memlekettik til retindegi orny burynǵydan da anyq ári naqty kórsetilgen.
Qazaqstannyń saıası partııalary Jańa Konstıtýsııanyń jobasyn talqylady
Komıssııa jumysy barysynda Konstıtýsııanyń ózge de mańyzdy baptary talqylanyp, qoǵamnan kelip túsken usynystar eskerilip jatyr. Bul úderis negizgi zańnyń qoǵamdyq kelisim men ulttyq biregeılikti nyǵaıtýdaǵy rólin kúsheıtýge baǵyttalǵan.
Jańa Ata zańnyń jobasy: Konstıtýsııaǵa ózgeris engizý tek búkilhalyqtyq referendým arqyly múmkin bolady