Qaraǵandy oblysynda 5 jasar balany toq soqty, dep habarlaıdy Egemen.kz.
Senbi kúni Qaraǵandy oblysyndaǵy Shet aýdanynda Aqsý-Aıýly eldi mekeniniń ortalyq saıabaǵynda saǵat 19.20-da bes jasar balany toq soqqan.
— Saldarynan balanyń sol qolynyń saýsaqtary kúıdi. Aqsý-Aıýly aýdandyq aýrýhanasynyń dárigerleri medısınalyq kómek kórsetti. Bala úıde em qabyldaýy úshin ata-anasyna tapsyryldy, – dep habarlady Qaraǵandy oblysy polısııa departamentiniń baspasóz qyzmeti.
Qylmystyq kodekstiń 306-baby 2-bóligi 1-tarmaǵyna sáıkes («qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý») qylmystyq is tirkeldi. Oqıǵanyń mán-jaıy anyqtalý ústinde.