Shyǵys Qazaqstan oblysy Úrjar aýdanyndaǵy Alakól demalys ornyna bıylǵy jazda 1 mln-nan astam týrıst keldi, dep habarlaıdy Egemen.kz.
Úrjar aýdanynda týrızm salasyna erekshe kóńil bólinýde. Demalýshylarǵa jaıly jaǵdaı jasaý maqsatynda aýqymdy jobalar iske asyrylyp jatyr.
Aýdan ortalyǵyndaǵy áýejaıdy qaıta jańǵyrtý jumystary da jalǵasýda. Bul týraly ShQO Aımaqtyq kommýnıkasııalar ortalyǵynda ótken baspasóz máslıhaty barysynda aýdan ákimi Nurjan Toqseıitov málim etti. «Alakólde «Maqanshy-Kóktal» baǵyty arqyly joǵary kerneýli elektr jelisi tartyldy.
Sonymen qatar kól jaǵalaýynda sý qubyryn tartý jumystaryn júrgizý maqsatynda bıýdjetten 986,5 mln teńge bólingen. Bıyl jaz maýsymynda demalys ornyna 1 mln-nan astam týrıst keldi», deıdi Nurjan Toqseıitov.
Onyń aıtýynsha, bıyl Alakólde polısııa jáne feldsherlik pýnkt salýǵa oblystyq bıýdjetten 157,1 mln teńge qarjy jumyldyrylǵan.
Qurylys jumystary jyl sońyna deıin aıaqtalady.