Senattyń jalpy otyrysynda Respýblıkalyq bıýdjettiń atqarylýyn baqylaý jónindegi esep komıtetiniń Senat taǵaıyndaǵan múshesi Talǵat Jaqannyń ókilettigi toqtatylyp, laýazymynan bosatyldy, dep habarlaıdy Egemen.kz.
Ol bul qyzmetti 2016 jyldan beri atqarady. 31 tamyzda ol basqa jumysqa aýysýyna baılanysty qyzmetinen bosatý týraly Senat tóraǵasy Máýlen Áshimbaevtyń atyna ótinish berdi.
«Qarjy jáne bıýdjet komıteti Senat reglamentiniń 81-1 tarmaǵyn basshylyqqa ala otyryp, ókilettikterdi toqtatýdy jáne Respýblıkalyq bıýdjettiń atqarylýyn baqylaý jónindegi esep komıtetiniń múshesi Jaqan Talǵat Amangeldiulyn qyzmetinen bosatýdy usynady», dedi Senat depýtaty Olga Perepechına.