Atyraý oblysynda 3 jasar qyz ben 6 jasar bala sýǵa batyp ketti, dep habarlaıdy Egemen.kz.
Oblystyq tótenshe jaǵdaı departamenti baspasóz qyzmetiniń málimetinshe, oqys oqıǵa 5 qyrkúıekte Qurmanǵazy aýdanynda bolǵan. Kúndizgi saǵat 13:28-de Qurmanǵazy aýdanyndaǵy №7 órt sóndirý bólimine Sharon ózenine 3 jasar qyz ben 6 jasar bala batyp ketkeni týraly habar túsken.
Qutqarýshylar oqıǵa ornyna jetken kezde balalardyń úlkenderdiń qaraýynsyz sý aıdynyna kelgenin anyqtady.
«Jergilikti turǵyndar saǵat 13:40-ta 3 jasar qyzdyń denesin sýdan shyǵardy. Al, saǵat 16:07-de sýǵa batyp ketken balany izdestirýge jedel-qutqarý jasaǵynyń súńgýirlerimen birge 25 polıseı men jergilikti 70 turǵyn jumyldyryldy», dep habarlady departamenttiń baspasóz qyzmeti.
Sol kúni saǵat 19:23-te 6 jasar balanyń denesi tabyldy.