Qazaqstanda koronavırýs ósimi 35 paıyzǵa tómendedi. Bul týraly Úkimet otyrysynda QR Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Álemde COVID-19-ben naýqastaný jáne odan ólim-jitimge qatysty ahýal áli de qubylmaly bolyp tur. Álemde jalpy KVI-diń 244 mln-nan astam jaǵdaıy tirkelgen.
Kún saıyn 300 myńnan astam jaǵdaı tirkelip jatyr. 4,6 mln-nan astam adam qaza tapty. Dúnıejúzilik densaýlyq saqtaý uıymynyń Eýropalyq óńiri málimetterine sáıkes, sońǵy 2 aptada 54 eldiń 26-da aýrýdyń ósimi baıqalady», dedi mınıstr.
Onyń aıtýynsha, sońǵy 7 kúnde koronavırýstyń eń joǵary ósimi Majarstanda - 100 paıyz, Ýkraına, Polsha, Moldovada - 60-80 paıyz, Aýstrııa, Germanııa, Belarýste - 30-50 paıyz, Chernogorııa, Armenııa jáne Izraılde 8-20 paıyz bolǵan. Al Ispanııada aýrý ósimi - 60, Fransııada - 40, Grýzııada - 39, Ázerbaıjanda - 16, Italııada - 13, Shveısarııada - 12, Reseıde 9 paıyzǵa tómendegen.
«Qazaqstanda aýrý ósimi sońǵy 2 aptada 35 paıyzǵa tómendedi», dedi Alekseı Soı.
Sońǵy aptada Qazaqstanda aýrý deńgeıi 14 paıyzǵa tómendep, aptasyna 31 myń jaǵdaıdan 25 myńǵa deıin qysqardy.