Osyǵan deıingi tórt oıyndy óz muz aıdynynda ótkizip, sonyń úsheýinde utylǵan Nur-Sultannyń «Barysy» aldaǵy úsh kezdesýdi syrtta ótkizetini belgili, dep jazady Egemen.kz.
Túzdegi alǵashqy básekede jerlesterimiz Máskeýdiń SSKA klýbymen kúsh synasty. Olar byltyrǵy maýsymda Gagarın kýbogynyń fınalynda oınaǵan. Statıstıkalyq málimetterge júginsek, buǵan deıin qos komanda bir-birimen 25 ret kezdesken eken. Bul básekelerdiń 17-de áskerıler jeńiske jetse, 8-inde qazaqstandyqtardyń mysy basym boldy. Onyń ústine SSKA bıylǵy maýsymdy óte jaqsy bastap, bes matchtyń tórteýin óz paıdasyna sheshti.
Bul básekeni de aıdyn ıeleri óte qarqyndy bastady. Olar birinshi kezeńde Nıkıta Boıarkın qorǵaǵan qaqpaǵa eki shaıba engizdi. Úzilisten keıin Kertıs Volk esep aıyrmashylyǵyn qysqartty. Úshinshi kezeńde naǵyz qyzyqtyń kýási boldyq. Bar jan-dármenderimen shabýyldaǵan «Barystyń» hokkeıshileri bes márte qarsylastar qaqpasynan sańlaý tapty. Bul goldardyń avtorlary – Iаkob Berglýnd, Darren Dıs (eki ret), Álıhan Ásetov jáne Iаkob Lılıa. SSKA-nyń oıynshylar bul kezeńde bir márte ǵana mergendik tanyta aldy. Esep – 3:6.
Máskeýdegi match aıaqtalǵan bette «Barys» Baltyq jaǵalaýyn betke aldy. 16-qyrkúıek kúni olar Latvııanyń Rıga qalasynda jergilikti «Dınamo» klýbyna qarsy oınaıdy.