Jaýyngerlik bekiniste kezekshilikte turǵan armıan sarbazy óz áriptesterine oq atty. Oqys oqıǵa saldarynan zapastaǵy bir serjant qaza taýyp, taǵy bir sarbaz jaralandy, dep habarlaıdy Egemen.kz.
«Oqys oqıǵa eldiń ońtústik-shyǵysyndaǵy áskerı bólimderdiń birinde 13 qyrkúıekte oryn aldy. Oq atýshyny jergilikti tártip saqshylary ustap, onyń ústinen jaýyngerdiń kezekshilik erejeni buzý faktisi boıynsha qylmystyq is qozǵaldy. Oqıǵanyń mán-jaıy ázirge ashyp aıtylmaıdy. Tergeýshiler ustalǵan adamnyń ne sebepti mundaı áreketke barǵandyǵyn tekserýde», dep jazady News.am respýblıkalyq tergeý komıtetiniń baspasóz qyzmetine silteme jasap.
Buǵan deıin, Erash aýyly mańyndaǵy Ázirbaıjan Qarýly Kúshteriniń snaıperlik shabýyly saldarynan armıan jaýyngeriniń qaza tapqany belgili boldy. Oq bitimgershilik kelisimge qaramastan shekara aımaǵynda atylǵan. Alaıda Baký bul oqıǵany joqqa shyǵardy.