Almaty taýlarynda qutqarý úıleri paıda boldy. Ázirge tek ekeýi ornatyldy, negizi osyndaı 15 qutqarý pýnktin ornatý josparlanǵan, dep habarlaıdy Egemen.kz.
«Qyzǵylt-sary úıler týrısterdi alys soqpaqtarda kútedi. Birinshisi Joǵarǵy Gorelnıkte (3205 metr bıiktikte) ornalasqan, al ekinshisi «Tuıyq-Sý» muzdyǵynyń sońǵy morenasynda (3400 metr bıiktikte) paıda boldy. Qutqarý úılerinde sizder aýa-raıy jaqsarǵanyn kútip, demalyp alýlaryńyzǵa bolady.
Týrıstik aqparat ortalyǵy (Visit Almaty) málimetinshe, árbir úı dári-dármek qobdıshasymen, jyly kórpemen, otyn qory bar peshpen, telefondarǵa arnalǵan zarıadtaý stansııasymen jabdyqtalǵan. Sondaı-aq, SOS sıgnalyn qutqarýshylardyń qashyqtan basqarý pýltine berý úshin dabyl túımesi de bar.
Exclusive Qurylys osy jobanyń bir bóligi bolǵanyna biz óte qýanyshtymyz. Endi taýlar qaýipsiz bola túsedi», delingen habarlamada.