2021 jylǵy qańtardan tamyzǵa deıin kópbalaly otbasylar boıynsha memlekettik járdemaqy tólemderimen orta eseppen 188,4 mıllıard teńgege 447,1 myń otbasy qamtyldy. Tamyz aıynda 452,3 myń otbasy 23,8 mıllıard teńge járdemaqy aldy, dep habarlaıdy Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
4 jáne odan da kóp birge turatyn kámeletke tolmaǵan balalary nemese 23 jasqa deıingi kúndizgi bólimde oqıtyn stýdentteri bar otbasylar tabysyna qaramastan, memlekettik járdemaqyǵa úmitker bola alady.
Tólemderdiń mólsheri balalar sanyna baılanysty saralanǵan jáne 2021 jyly 46 760 teńgeden (4 bala), 58 457 teńgeden (5 bala), 70 154 teńgeden (6 bala), 81 852 teńgeden (7 bala), 8 balamen – 93 344 teńgeden, 9 balamen – 105 012 teńgeden, 10 balamen – 116 680 teńgeden, 11 – 128 348 teńgeden, 12 – 140 016 teńgeden, 13-ten – 151 684 teńge, 14 – 163 352 teńge, 15 – 175 020 teńge, 16 - 186 688 teńge.
Eske sala ketsek, kópbalaly otbasylarǵa olardyń tabystaryn esepke almaı jańa memlekettik járdemaqy Qazaqstanda 2020 jylǵy 1 qańtardan bastap ataýly áleýmettik kómek kórsetýdiń jańa tetikterinde kózdelgen az qamtylǵan jáne kópbalaly otbasylardy qoldaýdyń úsh negizgi baǵyty sheńberinde engizilgen bolatyn.