Kezekti jumys barysy talqylandy

Máskeýde Eýrazııa ekonomı­ka­lyq komıssııasy keńesiniń (EEK) kezekti otyrysy bolyp ótti. Qazaqstandyq tarapty Qazaqstan Respýblıkasy Premer-Mınıstriniń birinshi orynbasary Baqytjan Saǵyn­taev basqardy. Eýrazııa ekonomıkalyq komıssııasy keńesiniń músheleri ıntegrasııany odan ári damytý jónindegi erejesin eskere otyryp, Eýrazııalyq ekonomıkalyq odaq týraly sharttyń jobasy boıynsha jumys barysyn talqylady. Sonymen qatar, jeńil ónerkásip, básekelestik pen monopolııaǵa qarsy retteý salasyna, Keden odaǵyna múshe-memleketterdiń jáne EEK agroónerkásip saıasaty jáne t.b. qatysty máseleler talqylandy. EEK keńesi Qupııa aqparatty saqtaý tártibi jáne Eýrazııalyq ekonomıkalyq komıssııasy básekelestiktiń biryńǵaı erejelerin saqtaýdy baqylaý boıynsha ýákilettigin júzege asyrý kezinde sol aqparatty jarııalaýda jaýapkershiligi týraly kelisim jobasyn qarastyrdy, sonymen qatar, aınymaly toqtyń jekelegen túrli qozǵaltqyshtaryna qatysty Keden odaǵynyń Biryńǵaı kedendik tarıfin jáne kedendik baj stavkasyn qalyptastyrý qarastyryldy. B.Saǵyntaev Eýrazııa ekonomı­kalyq komıssııasy jumysyndaǵy basymdyq ıntegrasııalyq bir­lestikte múshe-memleketterdiń múddeleriniń jetistigi bolyp tabylatynyn atap kórsetti. «Bizdiń memleketterimizdiń birlesken ju­mysy ekonomıkamyzdyń jedel damýyna, jańa óndirister men salalardy qurýǵa, tıisinshe taýarlar men qyzmetterdiń túrlerin kóbeıtýge, jalpy ekonomıkalyq keńistik ishinde olardyń jyljýyn jeńildetýge, jańa jumys oryndaryn qurýǵa múmkindik beredi», dep qorytyndylady B.Saǵyntaev. «Egemen-aqparat».