Beıjiń-2022 uıymdastyrý komıteti qysqy Olımpıada oıyndardyń resmı plakattaryn usyndy, dep habarlaıdy Egemen.kz QR Ulttyq Olımpıada komıtetine silteme jasap.
Olar Beıjińdegi Týnchjoý aımaǵynda jyl saıynǵy dızaın aptalyǵynyń ashylýynda usynyldy. Ár plakat Pekınniń 2022 jylǵy «Ortaq bolashaq úshin birge» uranyn atap kórsetip, qysqy sport túrlerin dástúrli qytaı mádenı festıvalderimen úılestiredi.
«Qytaı mádenıeti men olımpıadalyq rýhty biriktire otyryp jasalǵan 11 jarnamalyq plakat jas urpaqtardyń kúsh-jigeri men olardyń qysqy sport túrlerine degen yntasyn kórsetedi», deıdi Beıjiń-2022 uıymdastyrýshylary.
Uıymdastyrýshylardyń aıtýynsha, búkil el boıynsha baıqaýǵa 1500 adam qatysty.
«Plakattar qysqy sport túrlerimen, mádenı elementterimen, zamanaýı dızaınnyń keremet úılesimimen erekshelenedi», dedi Beıjiń-2022 mádenıeti men rásimderiniń bas dırektory Chen Nın China News Daily basylymyna.
Gýanchjoý beıneleý óneri akademııasynyń Van Sıange men Lıý Iıýn «Qumarlyq otty shabyttandyrady» dep atalatyn jumys jasady, onda Olımpıada oıyndarynyń tumary alyp panda Bıng Dven Dven álemniń túkpir-túkpirinen kelgen dostarǵa qabyldaýshy eldiń jyly lebizin usyný úshin ashyq júrek úlgisin kórsetedi.
Ol óziniń paralımpıadalyq áriptesi Shýı Ron Ronmen birge qyzyl tústi plakattarda beınelengen.