Fýtzaldan Latvııada ótip jatqan álem chempıonatynda jartylaı fınalǵa shyqqan alǵashqy eki komanda belgili boldy, dep habarlaıdy Egemen.kz.
Kaýnasta Argentına men Reseı quramalary kúsh synasty. Bul oıynnyń birinshi taımynda esep ashylǵan joq. Tek úzilisten keıin ǵana qos komanda bir-biriniń qaqpasynan sańlaý tapty. 25-mınýtta Leandro Kýssolıno tepken dop mańdaıshaǵa tıip baryp, nysanaǵa dóp tústi. Arada 10 mınýt ótkennen soń reseılikter tarazy basyn teńestirdi. Goldyń avtory – Artem Antoshkın. Ekstra-taımda jeńimpaz anyqtalmady. Al penaltı soǵý barysynda argentınalyqtardyń asyǵy alshysynan tústi. Sońǵy sátte Reseıdiń týy astynda óner kórsetip júrgen brazılııalyq Alves Nobre Romýlo múlt ketti. Esep – 5:4.
Kelesi kezdesý Brazılııa men Marokko arasynda ótti. Bul básekeniń taǵdyryn 11-mınýtta Rodrıgo soqqan jalǵyz gol sheshti – 1:0. Ol aıyp dobyn qaqpaǵa qańyrata teýip, óz komandasyna jeńis syılady.