Jaqynda Iran Islam Respýblıkasynyń astanasy Tegeran qalasynda at ústinde sadaq atýdan HVI Álem chempıonaty aıaqtaldy.
Sońǵy jyldary at ústinde shaýyp kele jatyp sadaq atý óneri dúnıejúzinde qarqyndy damyp otyr. Bul retki saıysqa álemniń 12 elinen 22 mergen qatysty. Álem mergenderi koreı, majar (kassaı) jáne túrik (qabaq) stılinde synǵa tústi.
Mańyzdy saıysqa elimiz atynan qatysqan Túrkistan oblystyq Ulttyq sport mektebiniń mergeni Aıkóz Eralhan saıystyń alǵashqy kúni koreı stılinde sadaq atýdan úzdik shyǵyp, altyn medal ıegeri atansa, kelesi kúnderi majar jáne túrik stılderi boıynsha qos birdeı kúmis júlde jeńip aldy. Sondaı-aq jarys qortyndysy boıynsha jalpy esepte ekinshi orynǵa ıe bolyp, halyqaralyq jarystyń vıse-chempıony ataǵyna qol jetkizdi.